Radio Bullgaria fitoi vendin e tretë në stafetën e Radios Kombëtare Bullgare, kushtuar jubileut 80 vjeçar të themelimit të medias. Kapiten i skuadrës së “bullgarëve” ishte Drejtori i Agjencisë Bullgare të Investimeve Stamen Janev. Stafeta, e cila është e njohur edhe si “Xhiro e Radio Sofjes”, u zhvillua pas një ndërprerje 12 vjeçare.

Në trasenë që përfshinte 4 x 200 metra, ekipi i Radio Bullgarisë vërtetoi shpirtin e vet ekipor. Në distancën e parë vrapoi Aleksandër Kiçukov, i cili punon për emisionet në arabisht, në atë të dytë –  Aleksandër Markovi, redaktor në emisionet në gjuhën angleze. Prej tij stafetën e mori Virginija Stamatova nga redaksia “Bullgaria”. Juristi Stamen Janev, i cili vrapoi i katërti duke treguar një shpejtësi të madhe e kapërceu distancën për një kohë rekord.

Ja se çfarë deklaroi në lidhje me rivendosjen e iniciativës Drejtori i Përgjithshëm i BNR Radosllav Jankullov:

“Zhvilluam një sërë aktivitetesh – koncerte, takime, ekspozita, shfaqje, të cilat na afruan më shumë me miqtë tanë, dëgjuesit e radios. Nuk duhej të harronim edhe sportin, sepse ai është pjesë e jetesë sonë dhe secili prej nesh duhet të vlerësojë këtë lloj aktiviteti.”

Përgatiti në shqip: Sofia Popova