Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Me kujdes për fëmijët e Bullgarisë

Gjithnjë e më shpesh flitet për të drejtat e fëmijëve në Bullgari, kurse shkaqet për këtë janë shumë. Dita ndërkombëtare e fëmijës, 1 qershor, do të kalojë, kurse ajo ndoshta nuk do të jetë më e ndryshme nga ditët e tjera për gjysmën e fëmijëve të Bullgarisë, të cilët jetojnë në risk varfërie, ose në izolim social. E tillë është statistika, e cila u shpall para disa muajsh. Është e vërtetë se vogëlushit, që lypin, bëhen gjithnjë e më pak, por problemi nuk mbetet i fshehur nga vështrimi ynë. Në të njëjtën kohë ndihmat sociale, të cilat livrohen nga shteti për rritjen e një fëmije, janë shumë të vogla, kurse stimulimi i suksesshëm i prindërve të përgjegjshëm nëpërmjet ndihmës materiale tani për tani mbetet në sferën e urimeve.

Rrjeti Kombëtar për Fëmijët i ka vënë vetes një qëllim për mbrojtjen më efektive të fëmijëve të Bullgarisë. Kjo është një organizatë nga sektori joqeveritar, e cila punon drejtpërsëdrejti me të miturit dhe familjet nga tërë vendi. Fondacioni përhapi para pak kohe një video në internet, nëpërmjet së cilës u bëhet apel të moshuarve për të mos i edukuar fëmijët në mënyrë të tillë që të bëhen agresivë. Në jetën tonë të përditshme jo një herë prindërit humbin durimin e tyre dhe përkatësisht efekti i edukimit të fëmijëve është negativ. “Nganjëherë shuplaka është mënyra e vetme për ta përballuar problemin, por fëmijët mund të edukohen vetëm me dashuri dhe kujdes jo me ndihmën e dhunës! – janë të mendimit psikologët. Sipas Dani Kolevës, drejtoreshë programore e Rrjetit Kombëtar për Fëmijët, shteti angazhohet me një kontroll më serioz kundër shkelësve të rregullave.

“Fëmijët, që rriten në institucione, gjatë vitit 2010 kanë qenë rreth 7 mijë. Lajmi i mirë është sa tani ata janë rreth 3 mijë. Rritet dhe numri i atyre, të cilët janë vendosur në strehim familjar. Mirëpo, numri i fëmijëve që janë nën mbrojtjen e shtetit, nuk ulet. Shteti ende nuk i ka zbatuar detyrimet e konventës së OKB-së për të drejtat e fëmijës – ta përkrahë prindin, kështu që ai të mund të kujdeset pa probleme për fëmijët e tij. Sipas vlerësimit të organizatës sonë, përkrahja e familjes bullgare nuk është prioritet. Në shikim të parë shteti mund ta ndryshojë një pjesë të politikave të tij, kështu që mjetet, të cilat livrohen, të drejtohen në një mënyrë më efektive në ndihmë të familjeve. Te ne në sektorët për mbrojtjen e fëmijëve punojnë psikologë, nëpunës socialë etj. Praktika jonë tregon se këta njerëz janë shumë pak, nuk kanë përgatitje të mirë dhe nuk janë paguar mirë. Për fat të keq një problem i madh është gjithashtu mungesa e koordinimit midis institucioneve.”

Sipas të dhënave të fundit të Institutit Kombëtar të Statistikave, fëmijët, të cilët janë viktimë e dhunës në Bullgari, janë rreth 2-3 mijë në vit. Një tendencë shumë shqetësuese është se këto raste nuk pakësohen. “Çdonjëri prej nesh duhet të luftojë në ndonjë mënyrë kundër dhunës, por kujdesi kryesor është detyrë e institucioneve shtetërore – tha Dani Koleva. – Një rast i dhunës në familje nga ana e të atit kundër fëmijës dhe nënës në qytetin e Pernikut, na bëri për të kërkuar në cilësinë e organizatës joqeveritare përgjigjen e organeve shtetërore. Në saje të kolegëve tanë administrata u aktivizua dhe në fund të fundit u arrit te veprimet e policisë. Problemi u zgjidh në dobi të fëmijës dhe nënës. Lidhur me këtë rast, sipas ligjit, institucionet mbrojtëse duhej të përgatisnin një plan të përbashkët për koordinim dhe veprime në kuadrin e 24 orëve. Mirëpo, kjo ndodhi që ditën e psetë pas parashtrimit të ankesës. Gjatë kësaj kohe shëndeti dhe jeta e gruas dhe fëmijës ishin rrezikuar. Për fat të keq ka shumë shembuj të tillë, të cilët flasin kategorikisht për mungesën e veprimeve nga ana e autoriteteve, të cilat janë të detyruara të punojnë për mbrojtjen e fëmijës, pa pasur rëndësi nëse bëhet fjalë për rrezikun e rrugës, ose për rrezikun në familje.”

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Një ekspozitë multimediale paraqet historinë dhe zërat e BNR

Më 25 janar 2025 mbushen 90 vjet nga krijimi i Radios Kombëtare Bullgare. Media jonë e feston përvjetorin me një sërë ngjarjesh. Në një transmetim special sot do të prezantohet një projekt multimedial - një ekspozitë virtuale, e cila do të jetë e..

botuar më 25-01-22 8.10.PD
Monumenti i Arkitektit Dabko Dabkov në qendër të Varnës

150 vjet nga lindja e Ark. Dabko Dabkov, i cili la një gjurmë të ndritshme në pamjen e qytetit bregdetar Varna

Komuna e Varnës organizon një festë për 150 vjetorin e lindjes së arkitektit të madh Dabko Dabkov (21 janar 1875 - 8 prill 1945). Përvjetori do të shënohet me një bisedë me temën "Njeriu - Arkitek Dabko Dabkov" nga Hristijan Obllakov - autor i..

botuar më 25-01-21 6.10.PD

Kisha Ortodokse Bullgare dhe Radioja Kombëtare Bullgare bashkojnë forcat në mbështetjen shpirtërore të bashkatdhetarëve jashtë vendit

Mitropoliti i Evropës Perëndimore dhe Qendrore Antonij dhe Drejtori i Përgjithshëm i Radios Kombëtare bullgare (BNR) Milen Mitev nënshkruan një memorandum bashkëpunimi në selinë e dioqezës së Kishës Ortodokse Bullgare – Patrikana Bullgare për Evropën..

botuar më 25-01-20 2.19.MD