Më 25 tetor zgjedhësit bullgarë ndoshta do të duhet të vendosin nëse në Bullgari të aplikohet votimi i detyrueshëm apo jo. Presidenti Rosen Plevneliev parashtroi në Parlament një propozim për zhvillimin e një referendumi, kushtuar kësaj çështjeje. Kreu i shtetit shpreson se në këtë mënyrë do të kontribuojë për një angazhim më të madh nga ana e qytetarëve ndaj procesit politik te ne, ku motivimi i njerëzve të marrin pjesë në zgjedhje po ulet gjithnjë e më shumë. Mirëpo, pavarësisht se si përpiqemi ta zbukurojmë idenë për aplikimin e votimit të detyrueshëm, një prej argumenteve kryesore është se votimi i detyrueshëm do të pakësojë në një mënyrë të konsiderueshme ndikimin e votave të blera mbi rezultatet zgjedhore. Për ndikimin e pakëndshëm “vota e blerë”, e cila siç duket, tashmë nuk na bën përshtypje, filloi të flitet përsëri, kur në Gërmen shpërtheu një konflikt midis popullsisë bullgare dhe minoritetit vendas rom. Megjithëse shkaqet për tensionin janë të tjera, tema është e pranishme në komentet e vëzhguesve politikë, por edhe të disa politikanëve nga koalicioni në pushtet. Bashkëkryetari i Bllokut të Reformatorëve Radan Kënev deklaroi haptazi se “getot në vend tolerohen kryesisht për shkak të zgjedhjeve nga forca të veçanta politike, të cilat pikërisht atje i blejnë votat në masë.”
Del se madje 25 vjet pas ndryshimeve politike te ne, ne, qytetarët, ende nuk vlerësojmë lirinë e zgjedhjes. Prandaj në vigjilje të zgjedhjeve vazhdojmë thjeshtë të vëzhgojmë qetë se si disa zgjedhës transportohen deri në seksione të veçanta, që të shesin votën e tyre për 20 euro. Megjithë zbulimet e medieve për blerjen e votave në masë, nuk ka të ndëshkuar. Çdo një hetim tjetër gazetaresk mbi këtë temë vetëm e thellon bindjen e atyre që nuk votojnë se vota e tyre nuk ka rëndësi. Të neveritur nga politika, njerëzit nuk duan të votojnë në zgjedhje. Pikërisht me këtë ide presidenti do që t’i prekë këta njerëz.
Mirëpo, para kësaj klasa politike duhet t’i bindë se duke votuar, ata bëjnë zgjedhjen e tyre, se ka përplasje interesash, me të cilat mund të identifikohen, se mesazhet e formuluara mirë në fushatën parazgjedhore nuk do të mbeten përsëri premtime. Që pas kësaj mund të shqyrtohet nëse përveç së drejtës së votimit mund të shtohet dhe detyra e ushtrimit të saj. Sepse në qoftë se në njërën peshore janë qëllimet fisnike për neutralizimin e votës së blerë, atëherë në peshoren tjetër është ndjenja e pakëndshme se partitë në Bullgari në fakt janë të kënaqura për gjendjen e tanishme, kur votat e blera e garantojnë statukuon politike. Në këtë sfond debati në Parlament “pro” dhe “kundër” zhvillimit të referendumit do të jetë interesant.Përgatiti në shqip: Vesella Mançeva
Festivali i pestë i Peshkut dhe i Verës do të mbahet nga 5 deri më 8 shtator në qytetin tonë bregdetar Burgas. Veprimtaria do t'u ofrojë banorëve dhe mysafirëve të qytetit një shumëllojshmëri prodhimi të kuzhinës dhe verës, një program muzikor dhe..
Nominimet për eurokomisioner bullgar u shpallën në sfondin e zëvendësimit të qeverisë së parë provizore të kryeministrit Dimitër Gllavçev me atë të dytë, në sfondin e një krize të thellë partiake në dy nga forcat politike tradicionale në Bullgari -..
Baza Bullgare në Antarktidë u krijua në vitin 1988. Që nga viti 1993 me dekret të presidentit Zhelju Zhelev e mori emrin e Shenjtorit Kliment Ohridski. Që atëherë e deri më sot, në bazën e vendosur në ishullin Livingston, shkencëtarët bullgarë të..
Vitin e kaluar, ndërsa ekonomia e Bashkimit Evropian vuante nga inflacioni galopant dhe rritja e ndenjur, presidentja e Komisionit Evropian Ursula von..
Nënpresidentja Ilijana Jotova u takua me pjesëmarrësit e Konferencës së Tretë Ndërkombëtare të Udhëtimit "Bullgaria Piktoreske. Dialogët ndërdisiplinorë..
Pak ditë para fillimit të vitit të ri shkollor 2024-2025, lindi ideja e ndalimit të plotë të celularëve në shkollë. Arsyet kryesore për një vendim të..