Dhurimi i shoqërisë bullgare gjatë kësaj jave prapë u vu në sprovim nga deklaratat e politikanëve dhe ushtarakëve për prani të ardhshme të teknikës së rëndë ushtarake amerikane dhe të ushtarëve amerikanë në Bullgari. Po themi prapë, sepse emocione të ngjashme shoqëria kishte gjatë shkurtit të këtij viti në lidhje me mobilizimin kontrollues të ushtrisë bullgare, një akti i cili disa e pranuan si përgatitja për luftë me Rusinë. Tani ministri ushtarak i SHBA-së shpalli në Talin, se bashkë me vendet e tjera lindore dhe evropianoqendrore, Bullgaria pranoi, që në territorin e saj të dislokohen tanke amerikane, armë amerikane dhe teknikë tjetër amerikane. Zëvendës komandanti i korpusit të këmbësorisë detare amerikane në Evropë shpalli më vonë, se gjatë shtatorit në Bullgari do të mbërrijnë 155 këmbësorë detarë amerikanë me 4 tanke, 6 automjete të blinduara dhe 3 obusë. Lajmet shqetësuan shoqërinë bullgare. Një kontribut për ashpërsimin e ndjeshmërisë ndaj pranisë së huaj ushtarake në atdhe dhe për shtimin e frikës për shfrytëzimin e saj kundër Rusisë, dhanë jo vetëm agjitimi i fortë pro rus dhe antiamerikan, por edhe vet pushtetarët. Në vend që të shpjegojnë në mënyrë adekuate arsyetimet për pranimin e teknikës së huaj dhe personelit të huaj ushtarakë, fillimisht ministri ushtarak deklaroi, se nuk ka kërkesë zyrtare për një akt të tillë. Madje shtoi, se i drejtoi pyetje ambasadorit amerikan në Bullgari. Mezi pak më vonë ministri i jashtëm shpjegoi, se bëhet fjalë për angazhime të marra përsipër nga Bullgaria, që në vitin 2006 gjatë pushtetit të koalicionit tri-partiak në krye me Partinë Socialiste Bullgare. Dhe megjithëqë fillimisht përfaqësuesit e kësaj partie insistuan për debat të jashtëzakonshëm parlamentar mbi temën, pas këtij sqarimi u zhytën në heshtje. Kishte shumë faktorë politikë, të cilët i arsyetuan shqetësimet shoqërore. Dhe përderisa jashtë shtetit dëgjoheshin deklarata për dislokim të ardhshëm të armëve në Bullgari, në vend përfundonte stërvitja taktike me pjesëmarrje ndërkombëtare “Kabile 2015”. Në të ishin të angazhuar 50 ushtarë nga Trupat e Këmbësorisë së SHBA-së në Evropë, tanke M1“Abrams”, transportues të blinduar “Hammer”, makina ushtarake "Stryker", helikopterë, avionë. Megjithëkëtë kjo nuk shqetësoi aspak shoqërinë paqedashëse. Kështu që është fakt, se kur bëhet fjalë për çështje ushtarake në një situatë të ndërlikuar ndërkombëtare, shoqëria dëshiron dhe meriton një informacion më objektiv dhe më korrekt. Me teknikë të rëndë tokësore Bullgaria nuk mund të tregojë agresion ndaj Rusisë. Megjithëkëtë edhe me qëllime trajnuese, kjo teknikë do të shfrytëzohet në krahun lindor të NATO-së, i cili kohët e fundit në lidhje me krizën në Ukrainë është mbartës i një farë tensioni.

Përgatiti në shqip: Svetllana Dimitrova