Komisioni për Mbrojtjen e Konkurrencës gjobiti filialet e platformës së internetit për shërbime transportuese Uber – UberBV, UberRasierOperations, dhe dy kompani holandeze.
Verifikimi në Regjistrin Tregtar rezultoi se dy shoqëri holandeze (pronar i kapitelit të të cilave është kompania amerikane Uber) kanë regjistruar dy firma tek ne – Uber Bullgaria dhe Uber Bullgaria Software, mirëpo ato mohojnë lidhjet e tyre me shërbimet e taksistëve, të cilat ofrohen në territorin e Sofjes me të njëjtin emër. Këto janë komentet e juristëve.
Sipas zëdhënësit të Komisionit për Mbrojtjen e Konkurrencës, Mario Gavrailovit, Uber ofron shërbime të tilla, pavarësisht se përfaqësuesit e kompanisë pohojnë se merren me teknologji, jo me transportime.
“Arsyet për këtë përfundim janë këto: shërbimet e Uber-it kanë karakteristikat e transportimeve me taksi – ofrohen shërbime transportimi sipas itinerarit të përcaktuar paraprakisht nga klienti. Kjo platformë e internetit i ndihmon shoferët të fshehin të ardhurat e tyre dhe kështu ata nuk paguajnë tatime. Përveç kësaj punojnë pa taksa të paguara për licencime duke shkelë interesat e taksistëve të tjerë që punojnë në kryeqytet. Dy shoqëritë u gjobitën me 50 mijë leva për konkurrencë të pandershme dhe shkelje të rregullave në këtë sferë. Përveç kësaj Komisioni përcaktoi akoma një gjobë për nga 50 mijë leva për secilën kompani sepse ato nuk kanë ofruar vullnetarisht informacionin e kërkuar për xhiron e tyre.”
Kërkuam përfaqësues të Uber-it për koment, por nuk morëm përgjigje. Dy kompanitë holandeze mund ta apelojnë në Gjykatë vendimin e Komisionit. Instanca e fundit është Gjykata e Lartë Administrative. Përveç sanksioneve financiare Komisioni për Mbrojtjen e Konkurrencës urdhëroi ndalimin e praktikave të pandershme, d.m.th. të mos ofrojnë shërbime të transportimit. Kompania Uber duhet të respektojë këtë vendim dhe kontrollin mbi këtë proces do ta ushtrojë “Administrata automobilistike”.
Pavarësisht nga kjo nuk është e qartë a këto vendime do të zbatohen në të vërtetë. Juristët mendojnë se kompania Uber, e cila po shmang ligjet, mund të vazhdojë të ushtrojë veprimtarinë e vet ndërmjet ndonjë shoqërie të tretë të regjistruar në Bullgari apo në ndonjë shtet tjetër. Serverët e Uber-it ndodhen në ShBA, mbas shpinës së dy shoqërive të regjistruara tek ne ndodhen kompani holandeze – e gjithë kjo vështirëson sanksionimin e shkelësve. Shërbimet e tyre janë më të lira sepse shoferët e Uber-it nuk paguajnë taksa, tatime dhe sigurime. Askush nuk mund të kontrollojë a shoferët e tyre kanë kaluar teste mjekësore dhe psikologjike, a janë të dënuar apo jo.
Kështu Uber-i sjell humbje financiare për bashkitë dhe në të njëjtën kohë rrezikon sigurinë e klientëve. Në rast të ndonjë aksidenti rrugor klientët nuk janë siguruar kështu, siç janë siguruar po të përdorin shërbimet e taksive të zakonshme.
Procedura në Komisionin për Mbrojtjen e Konkurrencës kundër Uber-it filloi në fund të vitit 2014 dhe vazhdoi më se 6 muaj. Shkaku për fillimin e kësaj procedure ishte sinjali i një kompanie të taksistëve në Sofje.
Kohët e fundit Komisioni për Mbrojtjen e Konkurrencës punon mbi shumë situata të ndërlikuara të konflikteve – të meta në legjislacion, mungesa kontrolli, etj. Në fushën e transportimit të njerëzve ajo punon edhe mbi rastet me shoferët vetëpunësuar, të cilët përdorin markat e firmave të mëdha për taksi në parimin e aktiviteteve “franchise” dhe marrin 7-8 herë më shumë para në krahasim me taksistët e tjerë.
Përgatiti në shqip: Jordanka Ivanova
Besimi i konsumatorëve u rrit në korrik me 5.6 pikë, sipas një sondazhi të Institutit Kombëtar të Statistikave. Sipas vlerësimit të përdoruesve, situata e përgjithshme ekonomike në vend për 12 muajt e fundit është në përmirësim, pritshmëritë për 12..
Pa diskutime dhe debate, parlamenti më në fund miratoi Ligjin për vënien e euros në qarkullim në Bullgari. Ligji u mbështet nga 167 deputetë nga GERB, Lëvizja për të Drejtat dhe Liritë (DPS) dhe "Po e vazhdojmë ndryshimin - Bullgaria Demokratike"..
Tregu i pasurive të paluajtshme rezidenciale në Sofje në tremujorin e dytë të 2024 mbetet i qëndrueshëm dhe aktiv. Pavarësisht parashikimeve për një qetësi të mundshme, tendencat tregojnë rritje të çmimeve dhe rritje të ndjeshme të kërkesës. Këtë..
Flukset më të mëdha pozitive neto të investimeve direkte në vend për periudhën janar - korrik 2024 janë nga Holanda (269.5 milionë euro), Austria (225..