Më 14 tetor me një premierë botërore të poemës simfonike “Trakia” të kompozitores bullgare Dobrinka Tabakova, Orkestra Simfonike e Radios Kombëtare Bullgare, me dirigjent maestro Rosen Gergov, hap stinën e vet të re në sallën “Bullgaria”. Do të interpretohen dhe dy nga krijimet më të qarta të disa nga kompozitorëve më të rëndësishëm rusë.
“Mendova sesi ta bëj programin për hapjen, sepse çdo një fillim është shumë i rëndësishëm dhe tregon politikën programuese të orkestrës sonë. Ai përfshin krijime të shumta të kompozitorëve bullgarë, si dhe dy premiera vendase dhe dy botërore. Për mua qe me rëndësi të prezantojmë më shumë muzikë bullgare përpara publikut dhe krijime, të cilat nuk janë ekzekutuar dhe nuk janë të njohura. Prandaj e zgjodha posaçërisht Dobrinka Tabakovën, me të cilën do të hapim koncertin. U ndala tek ajo, sepse ajo është një bullgare e re dhe e talentuar, e cila bën një karrierë të madhe nëpër botë dhe është një kompozitore e së ardhmes. Muzika e saj është shumë interesante dhe meriton të prezantohet. Kemi dhe një solist të shkëlqyer nga Austria – Julian Hedenborg. E zgjodha atë, me qenë se ai përfaqëson gjeneratën e muzikantëve të rinj dhe akoma të pa frenuar, të cilët kanë një joshje dhe energji të madhe. Ai mund ta ndez publikun. E gjithë qenia e tij është frymëzuese. Ai do të ekzekutojë në koncertin e dytë për piano të Rahmaninovit. Dhe për final, zgjodha “Petrushka” nga Stravinski. Ky është një krijim shumë virtuoz për orkestrën. Është një sfidë të ekzekutohet, pavarësisht se nga çfarë klase është orkestra. Gjithmonë është e vështirë. Ky nuk është krijim, i cili është interpretuar shumë shpesh në Bullgari. Më shumë ekzekutohet “Zogu i zjarrtë” dhe “Sekreti pranveror” dhe prandaj zgjodha “Petrushkën”. Programi është shumë interesant për publikun dhe do të bëhet një koncert i mirë.”
Kompozitorja Dobrinka Tabakova tregon për punën e saj me Orkestrën e Radios Kombëtare Bullgare:
“Që prej dhjetë vjetëve punoj me këtë orkestër. Është një privilegji i madh dhe një nder për mua, se stinën e re muzikore Orkestra Simfonike e Radios Kombëtare Bullgare do ta hapë me një vepër nga të miat. Për herë të parë punojmë me dirigjentin Rosen Gergov. Mendoj, se është me rëndësi, që kompozitorët të bëjnë përpjekje që, veprat e tyre të arrijnë deri tek dëgjuesit. Për këtë, është e domosdoshme t’i ftojmë ata në botën tonë. Më e vlefshmja është që muzika të jetë e gjallë dhe, ne, kompozitorët e gjallë ta prezantojmë. Vetëm kështu kjo kulturë do të mbijetojë. Poema mban titullin “Trakia”. Kjo është vepra ime e parë simfonike. E kompozova që kur isha studente dhe tani e adaptova për këtë premierë në Sofje. Vepra u frymëzua nga natyra e Trakisë dhe nga kontrastet e mëdha midis luginave dhe maleve. Në të ka edhe një farë nostalgjie.”
Përgatiti në shqip: Nataniela Vasileva
DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..
Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së..