Sonte në Sofje një nga grupet më të preferuara nga të rinjtë në Bullgari prezanton albumin e tij të dyfishtë “The Best of Ostava” me një koncert të madh në Sofje. “Ostava” është bandë e muzikës rok, të krijuar para 25 vjetëve nga Svilen Noev (vokal), Georgi Georgiev (kitarë dhe vokal), Bojan Petkov (baskitarë) Daniell Ivanov (bateri) dhe Aleksander Marburg – kitarë. Muzikantët e talentuar ekzekutojnë në stil “britrok” – një stil që vjen nga Anglia dhe është një përzierje midis pop rok-ut dhe rokut alternativ. Ndër përfaqësuesit e kësaj rryme muzikore janë Оаsis, Supergrass, The Verve, Radiohead. Hiti i parë i bullgarëve nga “Ostava” është “Fushat e lulediellit”, i cili doli në vitin 1994, kurse gjashtë vjet më vonë doli albumi i tyre i parë “Ping-pong”.
Më shumë për koncertin e “Ostava”-s në Sofje na tregoi një nga autorët e teksteve të grupit Zhoro Georgiev. Ja se çfarë tha ai:
“Në koncert prezantuam albumin “The Best of Ostava” – një disk të dyfishtë me 29 këngë, të incizuara live në koncertet tona në Sofje dhe në Plovdiv. Patëm mysafirë muzikantë – bëhet fjalë për kuartetin harqesh “Sapaev”. Përveç kësaj ata morën pjesë edhe në incizimin e albumit tonë. Me ne ekzekutoj gjithashtu Mihaill Shishkov – piano dhe kitarë të llojit “Pedal Steel”. Ai është muzikant i madh dhe mik ynë i vërtetë, i cili mori pjesë në dy albumet tona të para. Vanja Shtereva me bandën e saj Match Point ekzekutuan para daljes sonë në skenë. Mendoi se kjo gjithashtu provokoi interesin e publikut, sepse ajo nuk kishte pasur koncerte prej shumë kohe. Kishte shumë këngë të mira nga e kaluara e afërt. Kënduam të gjitha që kanë qenë të njohur gjatë këtyre viteve. Autorët e teksteve të këngëve jemi dy – unë dhe Svilen Noev – këngëtari i grupit. Muzikën gjithashtu e shkruajmë ne.”
Përgatiti në shqip: Jordanka Ivanova
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së..