Në një ceremoni zyrtare në Ministrinë e Kulturës në Sofje u nënshkrua Marrëveshja ndërmjet qeverisë së Republikës së Bullgarisë dhe qeverisë së Republikës së Kosovës për bashkëpunim kulturor. Nënshkrimet e tyre në këtë dokument i vunë ministri bullgar Vezhdi Rashidov dhe homologu i tij Kujtim Shala.
Ministri i kulturës, rinisë dhe sportit i Republikës së Kosovës Kujtim Shala tha se në shtetin e tij po vazhdon procesi i ndërtimit të institucioneve dhe në këtë lidhje Marrëveshja e nënshkruar është me rëndësi të madhe, sepse ajo vë themelet e ndërtimit ligjor të bashkëpunimit tonë dypalësh në këtë sferë.
Tekstet e Marrëveshjes reglamentojnë mundësitë për bashkëpunim të ardhshëm në fushën e teatrit, letërsisë, botimit të librave, artit figurativ, trashëgimisë kulturore jomateriale, kinemasë, muzikës dhe vallëzimit. Saktësohen angazhimet e dy palave për mbrojtjen e trashëgimisë kulturore dhe historike dhe bashkëpunimin në sferën e të drejtave të autorit.
Republika e Bullgarisë dhe Republika e Kosovës do të mund të zhvillojnë nisma të përbashkëta të lidhura me trashëgiminë kulturore dhe të shkëmbejnë informacion për çështjet e konservimit dhe restaurimit të monumenteve të kulturës. Pala bullgare është gati të ndihmojë me specialistë dhe teknikë për zhvillimin e punimeve të restaurimit të monumenteve kulturore. Në marrëveshje janë përfshira tekste për parandalimin e eksportit, importit dhe shkëmbimit të paligjshëm të vlerave kulturore në përputhje me legjislacionin kombëtar dhe marrëveshjeve ndërkombëtare të dy palave. Do të inkurajohet bashkëpunimi i drejtpërdrejtë në lidhje me kinematografinë dhe artet e tjera vizuale, më konkretisht me anë të prezantimit të ndërsjellë të filmave dhe lehtësimit të kontakteve midis artistëve. Shtetet tona do të punojnë për zgjerimin e bashkëpunimit në botimin e librave dhe në përkthimin e letërsisë bashkëkohore. Bullgaria dhe Kosova do të zhvillojnë kontaktet midis muzeve dhe galerive, do të inkurajojnë pjesëmarrjen e piktorëve në programe për kualifikim profesional dhe akademik, në seminare. Do të analizohen mundësitë për organizimin e Ditëve të Kulturave në parim reciprok.
Fotografi: mc.government.bg dhe mkrs-ks.org
Filmi i ri bullgar "Terapia", premiera e të cilit është më 7 shkurt, është përzgjedhur për të marrë pjesë në disa festivale ndërkombëtare në SHBA dhe Evropë, transmeton BTA. Midis tyre janë edicioni i 78-të i Festivalit Ndërkombëtar të Filmit në Salerno..
Edicioni i dhjetë i festivalit “Master of Art”, i cili hapet më 7 shkurt në kinemanë “Lumiere”, përfshin mbi 50 filma me tema të ndryshme të lidhura me artin. Programi i konkursit ndërkombëtar është i ndarë në kategori të ndryshme - "Arkitektura", "Dizajni..
Një festival i jashtëzakonshëm si gjithmonë, por ajo që bie në sy në edicionin e 29-të është prania e kinemasë bullgare. Nga rreth 180-200 filma në program - filma të metrazhit të gjatë dhe të shkurtër, rreth 60 tituj janë bullgarë. Këtë e deklaroi në..
Është duke u realizuar një film artistik për jetën e Lili Ivanovës, njoftoi ekipi i emrit më të madh të estradës bullgare. Filmi mban titullin e..
Marioneta dhe kukulla gjigante, shfaqje me zjarre, statuja të gjalla, një makinë teatri, një procesion muzikor dhe karnavali janë pjesë e ngjarjeve në..