Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Prof. Petja Asenova u nderua me medaljen e artë të Universitetit të Korçës për institucionalizimin e shqipes në Bullgari

БНР Новини
Prof. dr. Ali Jashari ia dorëzoi prof. Asenova Diplomën “Medalje e artë” të Universitetit “Fan S. Noli”
Foto: Maria Peeva

Libri “Gjuhësia ballkanike sot”Me rastin e 75-përvjetorit të lindjes së prof. Petja Asenova Katedra e Ballkanistikës e Universitetit të Sofjes organizoi prezantimin e librit “Gjuhësia ballkanike sot”. Botimi është një shenje respekti ndaj arritjeve të saj shkencore e pedagogjike dhe përmban artikuj të homologëve dhe ish studentëve të saj. Libri pasqyron tendencat bashkëkohore në gjuhësinë ballkanike – fusha në të cilën prof. Asenova është novatore. Në vitin 1994 ajo themeloi specialitetin “Ballkanistikë” në Fakultetin e Filologjisë Sllave të Universitetit të Sofjes “Shën Kliment i Ohrit”. Pikërisht në këtë degë të re për herë të parë studiohen gjuhët, letërsitë, kulturat, historia e popujve të Ballkanit. Për suksesin e specialitetit të ri flet edhe fakti se edhe universitetet e tjera prijëse të Bullgarisë gjithashtu themeluan dega për studimin e Ballkanistikës.

Profesorja dhe doktore e shkencave filologjike Asenova ka edhe një kontribut të jashtëzakonshëm në shkencën linguistike me mbi 160 publikime të cilat janë jo vetëm në sferën e gjuhësisë ballkanike, por edhe në lëmin e gjuhësisë së përgjithshme, gjuhësisë krahasuese, etnolinguistikës, onomastikës e etimologjisë, sociolinguistikës.

Homologët e prof. Asenova e përcaktojnë librin e saj për gjuhësinë ballkanike si “epoka e tretë dhe më e rëndësishme e zhvillimit të kësaj disipline”. Më shumë për meritat e saj mësojmë nga Prof. dr. Shaban Sinani nga Akademia e Shkencave e Shqipërisë:

Shënimi i përvjetorit të profesoreshës së shquar u bë një festë e vërtet e gjuhësisë indoevropiane e ballkanike. Mes të pranishmëve ishin përfaqësues të rretheve akademike të disa vendeve të regjionit, kurse nga foltorja e sallës së konferencave të universitetit u lexuan letra përshëndetëse nga tërë Evropa. Vetë prof. Asenova përgatiti një befasi për të gjithë homologët dhe ish studentët e saj – librin e vet të ri “Artikuj të përzgjedhur të gjuhësisë ballkanike”.

Akad. Floresha Dado, Prof. Petja Asenova, Prof. dr. Shaban Sinani dhe Prof. dr. Dhimitri Bello
Akad. Floresha Dado, Prof. Petja Asenova, Prof. dr. Shaban Sinani dhe Prof. dr. Dhimitri Bello

Shumë nga emrat e sotëm të gjuhësisë ballkanike janë ish studentë dhe aspirantë të saj. Njëri prej tyre është Prof. dr. Dhimitri Bello nga Universiteti i Tiranës


Mes të ftuarve të posaçëm ishte Rektori i Universitetit të Korçës “Fan S. Noli” Prof. dr. Ali Jashari. Ai e nderoi prof. Asenova me Diplomën “Medalje e artë” të Universitetit “në shenje mirënjohjeje dhe nderimi për ligjëratat që ka zhvilluar në Universitetin e Korçës dhe gatishmërinë e saj për studime të përbashkëta doktorante në fushën e gjuhësisë së aplikuar dhe krahasuese, duke dhënë një ndihmëse të çmuar në përgatitjen e studiuesve të rinj”.


Para mikrofonit të Radio Bullgarisë Prof. dr. Ali Jashari e përcaktoi kontributin e prof. Asenova për mësimin e shqipes në Bullgari:

Fotografi: Maria Peeva



Последвайте ни и в Google News Showcase, за да научите най-важното от деня!

Më shumë nga rubrika

Penka Kuneva

Në një koncert në Los Anxhelos do të interpretohen vepra nga Penka Kuneva dhe muzikantë klasikë bullgarë

Një koncert në Los Anxhelos me një program tërësisht bullgar, kushtuar festës kombëtare 3 mars , do të mbahet më 21 mars. Këtë e bëri të ditur në një intervistë për Radio Bullgarinë kompozitorja e njohur e filmit Penka Kuneva. Për “Gruan..

botuar më 25-03-21 7.00.PD
Miljo Balltov (1871 - 1951)

Miljo Balltov pikturoi “engjëllin më të gjallë” në kishat e trojeve tona

Piktor ikonash dhe mësues - këto dy fjalë i përmendim gjithmonë kur përpiqemi të ringjallim nga harresa e së shkuarës një piktor që hapat e parë në art i hodhi në vitet e para pas Çlirimit të Bullgarisë nga sundimi osman (1878). I tillë është Miljo..

botuar më 25-03-15 9.25.PD
Artistët për fëmijë

Kinemaja bullgare në fokus në edicionin e 29-të të Sofia Film Fest-it Ndërkombëtar

"Shh... Është koha për një film" - me këtë moto Sofja bëhet kryeqyteti kinematografik i Evropës për dy javët e ardhshme. Edicioni i 29-të i forumit më të madh kinematografik në Ballkan – Sofia Film Festi Ndërkombëtar hapet sonte në sallën nr. 1 të..

botuar më 25-03-13 2.36.MD