Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Pasqyra e shtypit

Foto: Maria Peeva

Tema kryesore në faqen e parë të gazetave qendrore është atentati i përgjakshëm në metronë në qendër të Shën Petersburg, në të cilin vdiqën të paktën 14 veta dhe ka dhjetëra të plagosur. Shtypi shënon se sulmi koincidon me vizitën e Presidentit Vladimir Putin në qytet dhe shton se tani për tani nuk ka të dhëna për bullgarë të dëmtuar, sipas informacionit të Ministrisë Bullgare të Punëve të Jashtme.

Në planin e politikës së brendshme të përditshmet bullgare shënojnë hapat e parë për formimin e qeverisë pas fitores në zgjedhjet parlamentare të partisë konservatore GERB me lider Bojko Borisov. “Kabineti do të jetë i gatshëm deri në fund të prillit” – ky është një prej titujve kryesorë në gazetën “Standard”. Kabineti tjetër i vendit tonë do të jetë i gatshëm jo më vonë nga fillimi i majit. Kryeministri i tij do të jetë lideri i GERB-it Bojko Borisov. Këtë e deklaroi kategorikisht ish Ministri i Financave Vlladisllav Goranov. Ai bën pjesë në ekipin e partisë, i cili merr pjesë në negociatat për formimin e qeverisë, saktëson “Standard”. Gazeta shton se prioritetet kryesore të kabinetit “Borisov 3” janë reforma në arsimin e mesëm, në administratë dhe në sistemin gjyqësor. Programi i qeverisë së re shkruhet sipas parashikimeve për një mandat të plotë 4 vjeçar, sepse sipas njerëzve të Borisovit “nuk ka shkak që ai të jetë më i shkurtër”, komenton e përditshmja. “GERB me një program për një qeveri të pakicës”, prognozon në një titull “Trud”. Gazeta citon sociologun Jurij Asllanov, sipas të cilit një prej skenarëve është që Bojko Borisov të përpiqet të formojë një qeveri të pakicës me përkrahjen parlamentare të politikave të sektorit. “Borisov ka përvojë në një qeveri të këtij lloji”, komenton Asllanov në faqet e gazetës “Trud”. Gazeta “Sega” publikon titullin “GERB u indinjua nga pretendimet e Patriotëve të Bashkuar”. Vlladisllav Goranov bëri të ditur se deklaratat e Valeri Simeonovit dhe Patriotëve të Bashkuar se dikush tjetër mund ta kryesojë qeverinë përveç liderit të GERB-it janë “naive dhe qesharake”. “Eksperimente të tilla, që propozohen janë më tepër provë për t’u rritur çmimi i partnerit më të vogël”. Sigurisht që ne nuk mund t’i ndalojmë Valeri Simeonovit për të pretenduar për gjithçka. Në qoftë se ai nuk dëshiron të marrë pjesë, kjo është e drejta e tij” – komentoi në mënyrë ironike z. Goranov, cituar nga “Sega”.


Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 1 prillin

Të martën do të mbizotërojë mot i vranët, me mjegull vende-vende në zonat fushore. Me ndërprerje të përkohshme do të vazhdojë të bjerë shi në shumë vende – reshjet do të jenë më intensive përgjatë Danubit dhe në Bullgarinë Verilindore...

botuar më 25-03-31 7.40.MD

Pushon së punuari termocentrali i dytë më i madh me qymyr në vendin tonë

Sot, 31 mars, është dita e fundit në të cilën funksionojnë kapacitetet e termocentralit të dytë më të madh me qymyr në Bullgari, “ContourGlobal Marica Iztok 3”. Duke filluar nga nesër, 130 nga gjithsej 160 punonjës të kompanisë do të pushohen nga puna...

botuar më 25-03-31 3.42.MD
Mbreti Abdullah II

Mbreti i Jordanisë Abdullah II mbërrin në Sofje për një takim mbi "Procesin e Akaba"

Bullgaria dhe Jordania do të bashkëkryesojnë një takim të nivelit të lartë në Sofje në kuadër të "Procesit Akaba". Me ftesë të presidentit Rumen Radev dhe Madhërisë së Tij mbretit Abdullah II të Jordanisë, në fillim të prillit, krerët e shteteve,..

botuar më 25-03-31 2.59.MD