Ditën e tretë pas Lindjes së Krishtit respektojmë kujtesën e Shën Stefanit – martirit të parë të krishterë. Ai u shugurua dhjak nga nxënësit e Jezu Krishtit dhe si ata posedonte dhuntinë të shërojë të sëmurë me duart. I frymëzuar nga besimi Shën Stefani u bë arkidhjak (i pari) në bashkinë e krishtere të Jerusalemit, e cila kujdesej për vejushat dhe nevojtarët. Ajo ishte aq mirë dhe е drejtë е rregulluar, se hebrenjtë të mposhtur nga zilia trilluan shpifje për Shën Stefanin para Sinedrionit duke e akuzuar në blasfemi. Në Sinedrion shenjtori përgënjeshtroi të gjitha akuzat e ngritura kundër tij, duke demaskuar mosbesimin e hebrenjve, duke dhënë shembuj nga tërë historia e popullit hebraik që nga Avraami deri te mbreti Solomon. Hebrenjtë nuk deshën të pranojnë fjalët e shenjtorit dhe ia dorëzuan turmën, e cila e vrau me gurë. Sipas shkrimeve të shenjta, Shën Hyjlindësja dhe Shën Joan Gojarti duke shikuar vdekjen e tij prej martiri i drejtuan lutje të ethshme zotit. Duke vdekur Shën Stefani iu drejtua Zotit për të falur armiqtë e tij. Kujtesa për vdekjen e tij prej dëshmori me kalimin e viteve u harrua. Mezi në fund të shekullit IV, pasi u zbuluan lipsanet e tij, kujtesa për të u rimëkëmbë si një shembull i mëshirës dhe i dhurimit.
Sipas burimeve të lashta armene dhe latine, kisha shënon kujtesën e tij më 26 dhjetor, pas Lindjes së Krishtit. Mirëpo, më vonë në Bizant, kisha caktoi 26 dhjetorin për të kremtuar Tubimin e Shën Hyjlindëses, ndërsa kujtesën e shenjtorit Stefan e shtyri më 27 dhjetorin. Kjo respektohet deri në ditët tona. Festa e Shën Stefanit lidhet ngushtë me Lindjen e Shpëtimtarit.
Emrin e shenjtorit e mban një nga shenjtërit e shpirtit bullgar – Kisha e Hekurt “Shën Stefani” në Stamboll, të cilën e lidhim me luftën për pavarësi kishtare bullgare. Kjo kishë ortodokse bullgare përbën një bazilikë me tre anijata në formën e kryqit, me ornamente të bukura, të punuara fund e krye prej elemente të hekurta. Altari është i orientuar te Briri i Florinjtë, ndërsa mbi narteksin ngrihet një kambanore prej 40 metrash. Kisha e hekurte u ndërtua në fund të shekullit XIX, kur kolonia bullgare në Stamboll numëronte 50 mijë veta. Shenjtërimi solemn u bë nga ekzarku Josif I ditën e Lindjes së Hyjlindëses – 8 shtatorin e vitit 1898.
Në traditën popullore Dita e Shën Stefanit “mbyll ciklin e festave të Krishtlindjes”. Dita është e shënuar për të gjithë. Në trapezën familjare vihet lakër e tharmë dhe byrek me mish. Këtë ditë çiftet e sapomartuara frekuentojnë krushqit dhe prindërit. Ditë të emrit kanë njerëzit me emra bullgarë: Stefan, Stefana, Stefka, Venko, Stojan, Stojko, Stoiçko, Stoimen dhe të gjithë emrat e përngjashme. Të gjithëve urojmë një festë të ndritshme!
Përgatiti në shqip: Svetllana Dimitrova
Llulla nga fundi i shekullit XVII, nga shekulli XVIII dhe fillimi i shekullit XIX, si dhe tradita e kultivimit të duhanit në Bullgari, janë paraqitur në ekspozitën më të re të Muzeut Arkeologjik të Burgasit. "Këto lloj llullash gjenden shpesh në..
Në Bullgari, kur flasim për një person me fat të keq, shpesh themi: "Oh, çfarë Marko Totev është!". Por kush është në të vërtetë Marko Totev dhe si u bë emri i tij një përkufizim i njohur për një njeri, fati i të cilit vazhdon të dështojë?..
Ditën e Ungjillëzimit të Hyjlindëses përmbushet premtimi i Zotit për shpëtimin e shpirtit njerëzor nga mundimet e përjetshme të errësirës. Mesazhi i kësaj dite është se Zoti na do, thotë At Bozhidar Marinov nga Kisha e Sofjes "Lartësimi i Kryqit të..
Llulla nga fundi i shekullit XVII, nga shekulli XVIII dhe fillimi i shekullit XIX, si dhe tradita e kultivimit të duhanit në Bullgari, janë paraqitur në..