Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Seminari pranveror i fondacionit “Kujtesa Bullgare” – një hap drejt BE-së dhe së ardhmes së fëmijëve nga bashkësitë bullgare jashtë shtetit

Pothuajse 200 fëmijë bullgarë nga Maqedonia e Veriut, Moldavia, Ukraina, Shqipëria, Serbia dhe nga Rodopet Perëndimore dhe rajoni i Tervelit janë duke marrë pjesë në edicionin e XXIV të Seminarit Pranveror të Fondacionit “Kujtesa Bullgare” në Kranevo (Bashkia e Ballçikut, Bullgari Verilindore), i cili do të vazhdojë deri më 5 prill. Motoja është “Inovacionet, progresi dhe bota digjitale”. Qëllimi është që fëmijët të arrijnë të ndiejnë pulsin e botës moderne dhe të marrin dituri në një mënyrë interesante, provokuese dhe interaktive.

“Duam që seminaret të formojnë në një shkallë maksimale identitet evropian te pjesëmarrësit, si dhe të forcojnë edhe më shumë dashurinë e tyre ndaj Bullgarisë, duke u takuar me moshatarët e tyre nga shtete të ndryshme dhe nga pjesat verilindore dhe jugperëndimore të Bullgarisë –pohon Monika Panajotova, anëtare e Këshillit Konsultativ të fondacionit dhe ish-Zëvendësministre për Presidencën Bullgare të Këshillit të BE-së. –Përveç kësaj duam t’i ndihmojmë sa më shumë të rinjtë në zhvillimin e tyre, duke u dhënë atyre mundësinë për t’u njohur me profesionet dhe dituritë e së ardhmes, të cilat kanë të bëjnë me transformimin digjital të shoqërisë dhe të ekonomisë.”

Seminaret janë një platformë e vlershme, e cila i lejon bullgarët e vegjël nga bashkësitë jashtë shtetit të përfitojnë nga mundësitë që na jep BE-ja, shton Monika Panajotova:

“Përveç ndaj teknologjive fëmijët shfaqin interes edhe ndaj BE-së dhe institucioneve të tij, sepse ata janë nga shtete, të cilët ende e kalojnë rrugën drejt anëtarësimit në bashkësinë evropiane.”

Në seminar u përfshi edhe drejtuesi virtual Naum – një nga atraksionet e edicionit të sivjetshëm.

“Ai është vepër e inxhinierëve të rinj bullgarë software dhe e vullnetarëve nga “Roboliga”. Ata e kanë mbaruar arsimin e tyre në Bullgari, punojnë këtu dhe janë një shembull i shkëlqyeshëm për pjesëmarrësit në seminar. Roboti karakterizohet me dizajnin e vet humanoid dhe mënyrën interesante, në të cilën i rikrijon lëvizjet e pjesëmarrësve. Ai përbën lidhjen mes botës virtuale dhe asaj reale dhe kontribuon për pjesëmarrjen aktive të të rinjve. Në seminar, përveç temës për Evropën, me ndihmën e lektorëve të ndryshëm do të përpiqemi që t’i zhytim fëmijët në botën e realitetit virtual, sipërmarrësisë digjitale, programimit 3D dhe të nanosateliteve”.

Çfarë është synimi i fondacionit “Kujtesa Bullgare” dhe pse formati konsiderohet si urë mes kulturave. Ja se çfarë na tregoi Monika Panajotova:

“Qëllimet e fondacionit vërtetë i janë drejtuar integrimit të të rinjve nga diaspora tradicionale bullgare. Ne u tregojmë atyre mundësitë për investime në potencialin e tyre, si në Bullgari, ashtu dhe në BE. Është shumë e vlershme mundësia që njerëzit e rinj nëpërmjet metodave interaktive të përvetësojnë aftësi të veçanta, por edhe të takohen me profesionistë nga sfera të ndryshme- sipërmarrësia, organizatat joqeveritare, mediat, biznesi, institucionet evropiane etj. Kështu qe ata mund të fitojnë përvojë, ide dhe frymëzim nga shembujt e suksesshëm të shoqërisë civile bullgare.”

Bullgarët e vegjël nga bashkësitë jashtë shtetit kanë vizion për Bullgarinë dhe shprehin dëshirë për të bërë studime te ne:

“Pjesëmarrësit në seminar kanë një qëndrim shumë pozitiv sa u përket programit, mundësive për pjesëmarrje, punës në ekip me njerëz të rinj nga kënde të ndryshme të Kontinentit të Vjetër, duke folur në bullgarisht – një prej gjuhëve zyrtare të BE-së. Rreth 80 për qind e pjesëmarrësve në seminaret gjatë viteve të kaluara pas kësaj e konsiderojnë Bullgarinë si një destinacion të përshtatshëm arsimor, si dhe BE-në në përgjithësi. Ata flasin për Bullgarinë përmes kujtimit të shtrenjtë të gjysheve, stërgjyshërve dhe prindërve të tyre. Është shumë bukur të dëgjosh për mëmëdheun e vet përmes shikimit dhe pritjeve të të rinjve, të cilët e mbajnë Bullgarinë në zemrën e tyre.”

Në hapjen e seminarit në Kranevo Kryetari i fondacionit dr. Milen Vrabevski bëri të ditur se në të ardhmen seminaret do të zhvillohen edhe jashtë kufijve të Bullgarisë.

Përgatiti në shqip: Vesella Mançeva

Foto: arkiv personal



Последвайте ни и в Google News Showcase, за да научите най-важното от деня!

Më shumë nga rubrika

Çfarë parashikon buxheti i BE-së për vitin 2025

Lidhur me miratimin të mërkurën e kaluar të përbërjes së re të Komisionit Evropian, i cili zyrtarisht mori detyrën para disa ditësh, iu kushtua më pak vëmendje një ngjarjeje tjetër të rëndësishme të së njëjtës ditë - miratimit të buxhetit të Bashkimit..

botuar më 24-12-04 2.50.MD

Nxënës bullgarë janë të parët në një konkurs evropian të së drejtës ndërkombëtare

Ekipi i shkollës së mesme të dytë angleze në Sofje “Thomas Xhefersën” fitoi Konkursin e Gjashtë Evropian të Drejtësisë për nxënës, i cili u mbajt në Rumani, njoftoi Ministria e Arsimit. Në konkurs, nxënësit bëjnë një simulim të procesit gjyqësor mbi..

botuar më 24-12-03 12.41.MD

Dita e Antarktidës shënohet në Universitetin e Sofjes “Shën Kliment Ohridski”

Qendra Kombëtare për Kërkime Polare dhe Instituti Bullgar i Antarktidës organizojnë një takim ndërkombëtar me rastin e Ditës së Antarktidës. Më 3 dhjetor shënohen 65 vjet nga nënshkrimi i Traktatit të Antarktidës. Veprimtaria, që do të mbahet në..

botuar më 24-12-03 6.30.PD