Ministrja bullgare e punëve të jashtme Ekaterina Zaharieva dhe Ministrja e Serbisë për integrimin evropian Jadranka Joksimoviç diskutuan në Sofje marrëdhëniet dypalëshe dhe çështje me interes bilateral në fushat e transportit dhe energjetikës. Ato shprehën dëshirën e tyre që fryma pozitive e marrëdhënieve ndërmjet të dyja vendeve do të zhvillohet në të ardhmen. Zaharieva pohoi se Bullgaria do të vazhdojë të përkrahë Serbinë në rrugëtimin e saj të integrimit evropian. Ministrja Joksimoviç nënvizoi dobitë e projekteve, të cilat po realizohen me përkrahjen bullgare në kuadrin e ndihmës për zhvillim. Përveç Serbisë, sivjet me financimin e projekteve të tilla për zhvillim, Bullgaria do të ndihmojë akoma tetë shtete të Ballkanit Perëndimor dhe Partneritetit Lindor, informoi Ministria e Punëve të Jashtme.