Me një ceremoni përurimi të flamujve luftarakë dhe flamujve të shenjtë të ushtrisë në Sofje u shënua Dita e Trimërisë dhe Festa e Ushtrisë Bullgare-6 maj. Përpara përfaqësuesve të forcave të ndryshme të armatosura në qendër të kryeqytetit, Presidenti dhe Komandant i Përgjithshëm i Forcave të Armatosura Rumen Radev theksoi se shumë pak shtete në botë kanë arritur të ruajnë emrin e vet, besimin dhe gjuhën  pavarësisht nga peripecitë dhe sprovat e kohës, dhe në qoftë se Bullgaria është një prej tyre, kjo është sepse populli ynë gjithmonë e ka ndier domosdoshmërinë e unitetit midis shpatës, frymës shpirtërore dhe fjalës. Pas kësaj u zhvillua një paradë ushtarake me pjesëmarrjen e teknikës së Forcave Tokësore dhe Ushtarako-Ajrore. Sivjet në paradë u përfshi dhe klubi “Vëllezër në Armë” me prezantimin e teknikës nga periudha e Luftës së Dytë Botërore.