Kryeministri Bojko Borisov mori pjesë në Samitin e kryeministreve dhe krerëve shtetërorë të vendeve-anëtare të Bashkimit Evropian në Sibiu të Rumanisë. Ndër temat e samitit janë aspekte të ndryshme të Rendit Staregjik të Ditës 2019-2024. Atje Borisovi tha se inkurajimi i përafrimit ekonomik, social dhe territorial, siç edhe solidariteti ndërmjet shteteve-anëtare të BE-së duhet të jenë parimet kryesore në marrëdhëniet ndërshtetërore. Ai shtoi se Bullgaria vazhdon t’i përkrahë vendet e Ballkanit Perëndimor në rrugëtimin e tyre drejt Bashkimit Evropian, përveç kësaj përshpejtimi i reformave në këto shtete është me rëndësi të konsiderueshme për arritjen e qëndrueshmërisë në regjion dhe në Evropë në përgjithësi.

Në samit u miratua një deklaratë me 10 parime për ruajtjen e unitetit të Bashkimit Evropian pas Brexitit. Ato përfshijnë mbrojtjen e unitetit të Evropës së Bashkuar, kërkimin e zgjedhjeve të përbashkëta të problemeve të përbashkëta, mbrojtjen e demokracisë dhe epërsisë së ligjit dhe lidershipin përgjegjës dhe global të Evropës.