Gabrovoja – qyteti, i njohur në tërë botën për humorin folklorik dhe traditat e veta, sot është mikpritës i një karnavali të jashtëzakonshëm.

Sipas traditës ngjarja fillon me prerjen e bishtit të mbretëreshës së karnavalit – macja butafore e Gabrovos, e gjatë 6 metra. Parada e karnavalit me mijëra pjesëmarrës kalon përmes pjesës qendrore të qytetit me në krye kryetarin e bashkisë së qytetit dhe macen e Gabrovos me bishtin e prerë. Përgatitja e festivalit fillon çdo vit në punishten e karnavalit, ku bëhen makete të mëdha të personaliteteve dhe heronjve aktualë të Bullgarisë dhe botës. Motoja hmuristike e karnavalit sivjet është: “Maskat lart!”

Tradita e karnavalit e ka zanafillën që në shekullin XIX me të ashtuquajturën “Olelijnja” (një festë popullore me karakter humoristik). Në fillim të shekullit XX ajo u transformua në një paradë të maskaradës. Më vonë në saje të themelimit të Shtëpisë së Humorit dhe Satirës, karnavali në Gabrovo u shndërrua në ngjarjen e tanishme. Që nga viti 2000 qyteti është anëtar i Federatës së Qyteteve Evropiane të Karnavaleve.