Në kuadrin e vizitës së tij dyditore në Bullgari Ministri i Punëve të Jashtme i Gjermanisë Heiko Maas u takua dje në mbrëmje me Kryeministrin Bojko Borisov. Të dy shqyrtuan tema aktuale me karakter dypalësh dhe çështje të rendit të ditës të Bashkimit Evropian. U shënua se të dyja shtetet mbeten partnerë strategjikë në fushën e tregtisë dhe të investimeve. Për vitin 2018 këmbimi i mallrave mes vendeve është 8,153 mlrd euro, që është me 11.8 % më shumë në krahasim me 2017-ën. Investimet e Gjermanisë te ne gjatë vitit 2018 janë me përmasë 153,7 mln euro. Sot pritet një takim i Maas me Presidentin Rumen Radev, si dhe një tjetër me Zëvendëskryeministren dhe Ministre të Punëve të Jashtme Ekaterina Zaharieva, me ftesë të së cilës po zhvillohet vizita.