Iluzionistë, zhonglerë, klounë, muzikantë dhe artistë të tjerë të talentuar dëfrenin të vegjël dhe të mëdhenj gjatë Festivalit të parë të artit rrugor te ne, i cili u zhvillua më 18 dhe 19 maj në Bankja. Humori festiv ishte në harmoni me motin e mirë dhe me numrat në të hapur të pjesëmarrësve, të cilët ishin mbi 30 veta. Festivali filloi me një atraksion – artistët mbërritën me retro-lokomotivën “Gjysha Arusha”. Banuesit dhe vizituesit e qytetit patën mundësinë të dhurojnë mjete për një kauzë bamirëse – ndërtimi i stolave dhe i një vendi të posaçëm për shah dhe lojëra të ndryshme në Parkun Qendror në Bankja. Qëllimi i organizatorëve është që muzika, teatri, artet e cirkut dhe pantomima të bëhen pjesë e pandarë e Ditëve të Kulturës në qytet.