Qyteti Berkovica është mikpritës i edicionit të 27 të Festivalit Ndërkombëtare të Arteve “Këpucë lustrafine” (30 maj – 2 qershor). Për 1 qershorin – Ditën e Fëmijëve, është parashikuar një koncert festiv dhe dekorim i fituesve në katër pjesët e festivalit – këngë zbavitëse, valle moderne, teatër për fëmijë dhe pikturë fëmijësh.

Më 1 qershor është kulmi i edicionit të XIX të Etno-festivalit Ndërkombëtar për Fëmijë në Banjat Minerale të rrethit të Haskovos. Në forum marrin pjesë 80 grupe dhe 72 interpretues individualë, duete dhe trio nga 16 krahina dhe 38 vendbanime nga territori i tërë Bullgarisë. Mysafirë të posaçëm janë 18 grupe koreografike nga Bosnja e Hercegovina, Gjeorgjia, Maqedonia, Moldavia, Serbia, Turqia. Do të prezantohen zanate të ndryshme popullore si qepje, qëndisje, pleksje, kukulla dhe stolisje folklorike, poçari, enë të pikturuara me dorë etj. Janë organizuar lojëra argëtuese me çmime, në të cilat të gjithë pjesëmarrësit dhe miqtë e etnofestivalit do të kenë shansin e vet për të marrë dhuratë për kujtim nga festa e fëmijëve.