Shkolla muzikore për arte folklorike “Filip Kutev” në Kotell bëhet shkollë ballkanike dhe do të tërheqë fëmijë të talentuar nga vendet fqinje. Atje punojnë pedagogët më të mirë në vend, deklaroi Kryetari i Bashkisë së Kotelit Kosta Karanashev. Kryeministri Bojko Borisov premtoi përkrahje të plotë për idenë nga ana e qeverisë dhe financim në kuadrin e Programit Operativ “Regjione në rritje” 2014-2020 me 1.95 mln euro. Është planifikuar që deri në 15 janar të blihen pajisje të specializuara dhe të përfundojë ndërtimi i një salle të re multifunksionale. Ka filluar gjithashtu remonti për përmirësimin e efikasitetit energjetik të kompleksit shkollor, i cili përfshin edhe korpuset shkollore dhe konviktet.