Demopolizim i Arkës Shëndetësore dhe mundësi për krijimin e fondeve private shëndetësore. Kjo parashikohet në modelin e ri të sigurimit shëndetësor, propozuar nga ministri i shëndetësisë Kirill Ananiev. Nuk do të lejohet që fondet të zgjedhin personat sipas ndonjë tipari të veçantë ose statusit shëndetësor, saktësoi ministri. Sigurimi shëndetësor do të mbetet 8 për qind. Mjetet e sigurimeve do të ndahen nga Agjencia Kombëtare e të Ardhurve dhe do të menaxhohen nga fondet shëndetësore. Modeli u kritikua nga Bashkimi Bullgar i Mjekëve, nga organizata të pacientëve dhe nga sigurues. Sipas Bashkimit zgjedhja e lirë e mjekut nga pacienti do të zëvendësohet nga zgjedhja se kush ta financojë mjekimin e tij. Në një intervistë për Radion Kombëtare Bullgare ish zëvendës drejtori i Arkës Kombëtare të Shëndetësisë doktor Dimitër Petrov tha, se ka të ngjarë që modeli i propozuar të bëjë që arka kombëtare të mbetet për njerëzit e dobët nga pikëpamja sociale, ndërsa njerëzit e tjerë të sigurohen në fonde private.