Republika e Bullgarisë u ka dhënë shtetësi bullgare 914 vetave nga vende të ndryshme jashtë Bashkimit Evropian. Këtë e tregojnë të dhënat e drejtorisë evropiane të statistikave Eurostat, të shpallura sot. Të dhënat janë për vitin 2017. Më shumë pasaporta bullgare kanë marrë ukrainasit – 185, pas tyre janë rusët (174) dhe turqit (110). Për krahasim - marrësit kryesorë të nënshtetësisë në BE janë shtetasit e Marokut, Shqipërisë, Indisë dhe Turqisë. Statistika tregon gjithashtu se në vitin 2017 mijëra bullgarë kanë ndryshuar shtetësinë e tyre, duke parapëlqyer vendet e Evropës Perëndimore – 1760 bullgarë kanë marrë shtetësi gjermane, 1818 –britanike, 655 – belgjike, 535 – italiane dhe 334 – franceze.