Me një postim në rrjetin social Tweeter bullgarja Kristalina Georgieva falënderoi qeverinë dhe Kryeministrin Bojko Borisov se kanë mbështetur kandidaturën e saj për postin e drejtoreshës së Fondit Monetar Ndërkombëtar. Kandidatura e saj fitoi përkrahjen e tërë Bashkimit Evropian të premten pas seancës 12-orëshe të ministrave të financave të vendeve - anëtare. Sipas traditës zgjedhja e udhëheqësit të FMN-së do të bëhet me konsensus të arritur në Bordin Ekzekutiv, në të cilin marrin pjesë 24 anëtarë dhe në të cilin sipas kuotës janë përfaqësuar të gjitha 189 vendet-anëtare të Fondit. Influencë më të madhe për marrjen e këtij vendimi kanë Shtete e Bashkuara të Amerikës, Japonia dhe Kina.