Papunësia në Bullgari gjatë muajit gusht është 5,3% dhe mbetet e pandryshuar kundrejt muajit të mëparshëm, njoftuan nga Agjencia e Punësimit. Mbi një bazë vjetore llogaritet një pakësim 0.3%. Në fund të muajit gusht të papunët e regjistruar në zyrat e punës janë 172 643 veta. Në krahasim me të njëjtin muaj të vitit 2018 ata janë 11 319 më pak. Të papunët e rinj të regjistruar gjatë muajit gusht janë 21 645. Punë të re kanë filluar 14 512 të papunë. Vendet e lira të punës që janë deklaruar janë 17 244. Dy të tretat prej tyre janë në sektorin privat. Kërkohen kuadro kryesisht në industrinë e prodhimit, në arsim, në administratë, tregti, në fushën e shërbimeve dhe specialistë në industri.