Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Libri i madh i festave dhe zakoneve bullgare” – një enciklopedi e vlershme për ritualet tona

Foto: spisanie8.bg

Autorët e këtij libri të shumëpritur janë doc. Vihra Baeva dhe doc. dr. Vesellka Tonçeva nga Institutit i Etnologjisë dhe Folkloristikës me Muze Etnografik pranë Akademisë Bullgare të Shkencave – studiuese të njohura të traditave dhe ritualeve tona. Libri është i destinuar për ata lexues, që shfaqin interes për folklorin tonë, ose duan të mësojnë më shumë për zakonet dhe ritualet tona. Për theksat e “Librit të madh të festave dhe zakoneve bullgare” na tregoi më shumë doc. Vesellka Tonçeva:

“Ne përdorim shumë letërsi, arkiva, libra të vjetër, por u mbështetëm edhe te puna në terren. Edhe të dyja kemi incizime të ritualeve të ndryshme, jemi zhytur thellë në këtë pjesë të kulturës sonë tradicionale. Libri tregon shumë gjëra të njohura për publikun e gjerë, por ka dhe shumë fakte të panjohura për traditat tona. Ai i është kushtuar kalendarit të riteve tona, atyre festave të cilat janë fiksuar në muaj. Është shkruar në një gjuhë të kuptueshme, u është destinuar nxënësve, por mund të lexohet nga çdonjëri i cili tregon interes për traditat, simbolet dhe mitologjinë bullgare. Brenda ka gjithçka. Ne kemi shkruar artikuj të veçantë të vegjël, kushtuar simboleve, imazheve për zakonin përkatës. Për shembull ka artikuj për shtojzovallet, murtajën, vezën, si dhe për kafshët, të cilat hasen në simbolikën e festave – bleta, bualli, lopa, kali, ariu, gjithashtu simbolet e ujit, zjarrit, gjyshes, Pizhos dhe Pendës, imazhi i Shën Mërisë në folklor, simbolet e kryqit. Në të njëjtën kohë ne kemi bërë aluzion për kohën moderne. Tregojmë për elementet e reja në festa dhe për kohën bashkëkohore. Sot në punën tonë në terren vazhdimisht po vëzhgojmë se çfarë po ndodh me këtë kulturë. Ajo është një organizëm i gjallë, i cili po zhvillohet. Koha e sotme nuk mund të mos e ndikojë. Po jetojmë në botën globale të internetit. Shpresoj se ky libër do të arrijë te sa më shumë njerëz dhe do të jetë i dobishëm në rikrijimin e festave. Në shumë rajone njerëzit bëjnë prova për t’i rikrijuar zakonet e vjetra. Tashmë nuk i ka gjyshet, të cilat mund të na tregojnë për zakonet e vjetra. Bëhet fjalë jo vetëm për veprime, por dhe për besime, përfytyrime, simbole. Kur njeriu i di këto gjëra, ai bëhet më i pasur, zhvillon ndjenjën e vet për kulturën dhe shpirtin bullgar. Shpresoj të mos duket tepër patetike, por ne kemi një pasuri të madhe, e cila na jep forcë dhe ne nuk duhet ta harrojmë këtë. Duhet t’i mbajmë mend rrënjat tona. Jemi përpjekur për ta bindur lexuesin se kultura jonë tradicionale është një përzierje mes krishterimit dhe folklorit, besimeve para pranimit të fesë së krishterë dhe praktikave nga kalendari i ri dhe nga ai i vjetër. Në fund themi se do të gëzohemi në qoftë se çdo një lexues kërkon rrënjat e veta – në qoftë se i pyet njerëzit e plakur, duke kërkuar diçka për fshatin e tij, ose për qytetin e tij të lindjes. Ne jemi duke përjetuar një rikthim drejt traditave, gjë të cilën e dëshmojnë tubimet e shumta që organizohen kohët e fundit. Njerëzit kanë nevojë për festat. Ky është një përjetim kolektiv, një energji e bukur.”Autoret Vihra Baeva dhe Vesellka Tonçeva“Libri i madh i festave dhe zakoneve bullgare” do të promovohet në sallonin e madh të Akademisë Bullgare të Shkencave (godina pranë Parlamentit) më 24 shtator nga ora 18.00. Libri u botua që gjatë muajit korrik, por autorët vendosën për ta promovuar pas fillimit të vitit të ri shkollor.

Foto: arkiv personal

Përgatiti në shqip: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

Krijues të njohur do të marrin pjesë në punëtorinë artistike “Krijuesi dhe natyra” buzë Danubit

Punëtoria e 29-të kombëtare e arteve pamore “Krijuesi dhe natyra” do të zhvillohet në fshatin Vetren, buzë lumit Danub, nga data 22 deri më 28 gusht, njoftuan për BTA organizatorët nga Shoqata Lokale e Piktorëve dhe Komuna e qytetit Silistra. Në..

botuar më 25-08-22 6.10.PD

Bullgaria është mikpritëse e një forumi evropian për gjuhët klasike

Bullgaria është për herë të parë mikpritëse e konferencës vjetore të Euroclassica – federata evropiane e mësuesve të gjuhëve klasike, njofton BTA. Ngjarja ndërkombëtare, e cila po zhvillohet në Universitetin e Sofjes "Shën Kliment Ohridski", vendos..

botuar më 25-08-21 3.59.MD

Ekspozita “American Art” sjell në Burgas vepra të krijuesve botërorë

Bashkia e qytetit Burgas dhe galeria Vivacom Art Hall Oborishte 5 prezantojnë ekspozitën ndërkombëtare American Art, e cila sjell në Burgas vepra nga disa prej krijuesve më të rëndësishëm amerikanë dhe botërorë të shekullit XX dhe XXI. Hapja zyrtare..

botuar më 25-08-20 12.16.MD