Bullgaria ka potencial për ndërtimin e 7-10 zonave të reja industriale si ajo afër Plovdivit, tha në edicionin e katërt të forumit më të madh ekonomik në Bullgari “Industria 4.0” Zv.Kryeministri Tomisllav Donçev. Sipas tij me rëndësi është që të lehtësohen sa më shumë procedurat për investitorët dhe kjo duhet të bëhet me ligj të posaçëm.

Sa i përket mundësisë së humbur për tërheqjen e investimit të gjigantit automobilistik “Volkswagen”, i cili e parapëlqeu Turqinë para Bullgarisë, Tomisllav Donçevi komentoi: “Ai nuk erdhi, por do të vijë ndonjë tjetër dhe kjo do të bëhet brenda 2-3 vjetëve të ardhshme, sepse janë grumbulluar shumë premise për këtë dhe kjo është e paevitueshme”.

Ministri i financave Vlladisllav Goranov tha se në negociatat me “Volkswagen” “bëmë çdo gjë që ishte e mundshme dhe bile më shumë”, por investitorët e tillë kërkojmë shumë privilegje dhe infrastrukturë të ndërtuar 100%. Kompanitë e tilla presin nga mikpritësit që të sigurojnë investime, kurse ata të vijnë vetëm me “know how” dhe me teknologjitë e veta, por këtë mund ta sigurojnë vetëm shtetet e mëdha. Sipas fjalëve të tij 90% prej negociatave kanë qenë lidhur vetëm me infrastrukturën.