Sofia Tech Park është mikpritësi i nismës “Science Bricks – Shkencë me kauzë”. Qëllimi është që të popullarizohen arritjet e nxënësve bullgarë me medalje nga forumet ndërkombëtare të shkencave. Në një skenë prezantohen shkencëtarë prijës me shpikjet e tyre interesante, hipotezat frymëzuese dhe mësuesit e nxënësve më të mirë me arritje të mëdha në olimpiadat ndërkombëtarë. Kjo është një shou bamirëse, e cila qëllon të mbledhë fonde për fëmijët e mençur dhe të talentuar të Bullgarisë në përkrahje të nismave të tyre të ardhshme.

“Shumica e nxënësve, të cilët prezantuan Bullgarinë në garat më të forta ndërkombëtare u kthyen me medalje” – tha para mikrofonit të Radios Kombëtare Bullgare Vëllkan Goranov, një nga organizatorët e ngjarjes. “Suksese kanë jo vetëm fëmijët nga shkollat elitare të kryeqytetit, arritje të tilla kanë nxënësit nga tërë Bullgaria. Por vështirësitë fillojnë pas formimit të skuadrave në çdo një lëndë. Kërkimi i financimit dhe mbledhja e parave është një proces shumë i vështirë, por vitet e fundit sponsorët bëhen më shumë”, shpjegoi Goranovi.