Ministrja e punëve të jashtme Ekaterina Zaharieva dhe homologu i saj armen Zohrab Mnacakanjan shprehën dëshirë, që të dy shtetet të punojnë për një konektivitet më të madh. Në Jerevinë të dy ata theksuan domosdoshmërinë për fluturime direkte ajrore midis Bullgarisë dhe Armenisë dhe për aktivizimin e trafikut përmes korridorit të Detit të Zi. Bullgaria mund të bëhet porta e Armenisë drejt BE-së. Mungesa e çështjeve të hapura politike dhe lidhjet historike janë një bazë të mirë për aktivizimin e marrëdhënieve, theksoi zonja Zaharieva. Si shembull ajo tregoi shkëmbimin e rritur tregtar, i cili për vitin 2019 u rrit me 53 për qind. Në Bullgari jetojnë 10 800 shtetas me prejardhje armene. Ata janë ura e natyrshme dhe lidhja e gjallë midis të dy vendeve tona, theksoi ministrja bullgare.