74 për qind e qytetarëve të Plovdivit kanë vizituar të paktën një ngjarje kulturore në qytetin e tyre të lindjes gjatë vitit të tanishëm në saje të iniciativës “Plovdivi – Kryeqyteti Evropian i Kulturës”. Kjo u bë e qartë në takimin ndërkombëtar “Një shikim prapa me një mendje përpara”, organizuar nga fondacioni “Plovdivi 2019” dhe Goethe-Institut. Atje përfaqësues të qendrave kulturore evropiane, si Plovdivi, Matera dhe Liverpuli, i dhanë një vlerësim shumë të mirë paraqitjes bullgare në këtë projekt të madh evropian. Sipas raportit të monitorimit çdo një qytetar i tretë i Plovdivit e ka forcuar ndjenjën e vet të përkatësisë evropiane, si rrjedhojë e titullit “Kryeqytet Evropian i Kulturës”. Sipas banorëve të Plovdivit shpallja e Plovdivit Kryeqytet Evropian të Kulturës ka kontribuuar për popullarizimin e qytetit të tyre të lindjes, për rritjen e numrit të turistëve dhe për rritjen e të ardhurave nga udhëtimet, investimet dhe remontet. Kryetari i Bashkisë së Plovdivit Zdravko Dimitrov vuri në dukje se Bashkia e Plovdivit do të vazhdojë ta zhvillojë qytetin si kryeqytet kulturor dhe do të përkrahë projektet e vlershme krijuese.
Përdorimi i formave të respektit që tregojnë fillimin, zhvillimin dhe përfundimin e komunikimit tek bullgarët e Shqipërisë janë objekt analize në punën e Dr. Miranda Bello, lektore e gjuhës bullgare në Universitetin e Tiranës. Ajo e mblodhi..
Vitet e fundit është forcuar bashkëpunimi mes kinemasë bullgare dhe asaj shqiptare. Prodhimet shqiptare gjithnjë e më shumë po gjejnë vend në festivalet bullgare dhe anasjelltas. Kjo tregon ndërveprimin artistik në rritje mes dy vendeve tona, i cili..
Në Ditën e Teatrit - 27 Mars, Lidhja e Artistëve në Bullgari tradicionalisht dorëzoi Çmimet Kombëtare IKAR për Artet Performuese. Çmimin për kontribut të jashtëzakonshëm në teatrin bullgar e mori aktori Javor Millushev personalisht nga presidenti..