Studioja arkitekturore e italianit Maksimiliano Fuksas fitoi konkursin ndërkombëtar për rinovimin e Sheshit “Shën e Diela” në qendrën e Sofjes. Projekti parashikon që sheshi të bëhet zonë këmbësorësh pa lëvizje të automobilave. Tramvaji do të kalojë anas kishës. Rrënojat arkeologjike do të ruhen në nivelin nëntokësor dhe do të mbulohen me material të tejdukshëm mbi të cilin do të kalojnë këmbësorët. Në sheshin “Shën e Diela” ngrihet kisha me të njëjtin emër, e cila është një nga monumentet më të njohura fetare dhe kulturor-historike në kryeqytetin bullgar. Supozohet se ajo është ndërtuar që në shekullin e 10-të. Në të kaluarën në afërsi të sheshit të sotëm ka qenë udhëkryqi i dy rrugëve kryesore të cilët i lidhnin portat lindore dhe perëndimore të qytetit.