Fillimi i negociatave për anëtarësim në BE të Republikës së Maqedonisë së Veriut dhe Shqipërisë nuk duhet të vonohet për shkak të propozimit francez për metodologji të re për negociatat për anëtarësim. Këtë e tha Zv. Kryeministrja dhe ministrja e punëve të jashtme Ekaterina Zaharieva në një konferencë në Sofje, kushtuar Ballkanit Perëndimor.

“Një pjesë e reformave të propozuara nga Franca janë të arsyetuara dhe të mira sipas Bullgarisë, por kjo nuk do të thotë se fillimi i negociatave me dy vendet e Ballkanit Perëndimor duhet të shtyhet deri sa miratohet metodologjia e re. Dy proceset mund të ecin paralelisht”, është e mendimit Zaharieva. Ajo shprehu shpresë se deri më 6 muaj Maqedonia e Veriut dhe Shqipëria do të marrin dritë jeshile për hapjen e negociatave.