9 vende nga BE-ja, ndër të cilat edhe Bullgaria, refuzuan rregullat për produktet financiare të përcaktuara si “të gjelbra” dhe “të qëndrueshme”, bëri të ditur agjencia “Rojters”. Vendimi anulon një marrëveshje të arritur midis Parlamentit Evropian dhe Presidencës finlandeze të BE-së. Palat në negociata atëherë konstatuan se marrëveshja është një kompromis i mirë dhe vendos një standard botëror për obligacionet e gjelbra dhe produktet e ngjashme financiare, i cili u është drejtuar investimeve që e ruajnë klimën. Britania e Madhe, Franca, Çekia, Hungaria, Polonia, Sllovakia, Rumania, Bullgaria dhe Sllovenia shpallën se janë kundër marrëveshjes, sepse kanë frikë se sipas rregullave në fjalë investimet në projektet bërthamore dhe në ato të qymyrit nuk do të trajtohen si investime të gjelbra.