Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Misionet Diplomatike në Sofje tregojnë solidaritet për të prekurit nga tërmeti në Shqipëri

Foto: Ambasada e Republikës së Shqipërisë në Sofje

Operacioni i Menaxhimit të Fatkeqësive Natyrore i Shqipërisë bëri një përmbledhje të plotë të situatës 2 javë pas tërmetit të 26 nëntorit, informon Top Channel. Janë strehuar në mënyrë të përkohshme 13294 qytetarë dhe mbi 7 mijë qytetarë gjenden në çadra. Në terren po punohet për inspektimin e banesave dhe për këtë janë angazhuar 100 grupe, ku puna ka përfunduar në 14069 objekte, ndërsa 44 të pabanueshme janë shembur.

Në të gjitha zonat e prekura nga tërmeti janë inspektuar 14069 objekte. 261 pallate dhe 2237 banesa janë dëmtuar rëndë dhe janë të pabanueshme përkohësisht; 851 pallate kanë pësuar dëmtime të mesme dhe të lehta. 4618 banesa kanë pësuar dëmtime të mesme dhe të lehta. Janë shembur gjithashtu 44 objekte, kryesisht në qarkun Durrës, të përcaktuara si me rrezikshmëri shumë të lartë.

Për sa i përket planit të rindërtimit Ministri Bledi Çuçi i cili kryeson Operacionet për Menaxhimin e Fatkeqësisë Natyrore u shpreh se janë 20 miliardë lekë për zbatimin e Programit të Rindërtimit, nga të cilat: 13 miliardë lekë nga buxheti i shtetit, 7 miliardë lekë nga donacionet. 5 753 donatorë dhuruan në total 58.5 milionë lekë përmes platformës qeveritare E-albania. Qeveritë e huaja, fondacionet, bizneset dhe individët dhuruan 9 milionë Euro në llogaritë bankare të vëna në dispozicion nga qeveria shqiptare 23 milionë euro është totali i fondeve të dhuruara nga donatorë si BE (15 milionë euro).

Për të mposhtur dhe për të lehtësuar dhimbjet, Misionet Diplomatike të akredituara në Sofje me iniciativën e Ambasadores së Malit të Zi, Sh.S.Zj. Snezana Radovic, organizuan më 13 dhjetor "Ditën e Solidaritetit për Shqipërinë". Të gjithë të ftuarve u ishte bërë apel për solidaritet dhe për dhurime online në portalin e-albania.




Последвайте ни и в Google News Showcase, за да научите най-важното от деня!

Më shumë nga rubrika

Një përrallë e bardhë nga Burgasi!
Foto: Marina Kirova në grupin në Facebook

Parashikimi i motit për 20 shtatorin

Të enjten temperaturat minimale do të lëvizin nga minus 14 deri në minus 8°. Në Sofje do të jenë rreth minus 12. Dita do të jetë me diell, por me acar. Vlerat e termometrit në shumicën e vendeve do të jenë negative. Para mesditës do të ketë..

botuar më 25-02-19 7.40.MD

Bullgaria nderon kujtimin e heroit të saj kombëtar Vasil Levski

Me manifestime të ndryshme në mbarë Bullgarinë po shënojmë 152 vjet nga vdekja e Apostullit të Lirisë Bullgare Vasill Levski. Një ceremoni përkujtimore u mbajt përpara monumentit të Apostullit të Lirisë në Sofje . Homazhe bënë kreu i shtetit Rumen..

botuar më 25-02-19 6.47.MD
Dimitër Radev

Do të nënshkruhet kërkesa për një raport të jashtëzakonshëm për eurozonën

Guvernatori i Bankës Kombëtare Bullgare (BNB), Dimitër Radev do të nënshkruajë kërkesën për një raport të jashtëzakonshëm të konvergjencës për përmbushjen e kritereve për anëtarësim në eurozonë. Kjo u bë e qartë nga një intervistë të tij për BTA, në..

botuar më 25-02-19 5.23.MD