Kalkulatori elektronik në sajtin bgtoll.bg do t’i ndihmojë transportuesit të llogarisin dhe të planifikojnë shpenzimet e tyre të lidhura me taksat e reja rrugore (toll), shpalli Agjencia e Infrastrukturës Rrugore. Kalkulatori mund të përdoret në gjuhët bullgare dhe angleze dhe me të shoferët dhe pronarët e automjeteve me tonazh të rëndë mbi 3,5 tona do të informohen për taksat rrugore, të cilat i detyrojnë për kamionët dhe autobusët.

Në sistemin e ri të pagimit janë përfshirë mbi 6 mijë kilometra (prej 20 mijë kilometrave të rrugëve në vendin tonë).Automjetet e rënda tashmë do të paguajnë në bazë të distancës së kaluar, jo siç ishte deri tani – për kohën e kaluar në rrugët e Bullgarisë (sipas sistemit elektronik “vignette”).

Që nga 3 janari i vitit 2020 shërbimi është në dispozicion për të gjithë përdoruesit në www.bgtoll.bg apo drejtpërsëdrejti në linkun https://trots.bgtoll.bg/.  Atje plotësohen të dhënat e veturës, data dhe ora e fillimit të udhëtimit dhe pika e fillimit dhe përfundimit të itinerararit, bashkë me lokacionet ndërmjetëse.