Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Konsulli i Nderit i Bullgarisë në Shqipëri Selim Hoxhaj për lidhjet e tij me Bullgarinë dhe marrëdhëniet e mira mes dy popujve tanë

Selim Hoxhaj me Nënpresidenten Ilijana Jotova
Foto: MPJ

Lidhjet e mia me Bullgarinë janë që nga viti 1992, afërsisht afro 30 vjet, kur Shqipëria u hap si vend, domethënë pas viteve të demokracisë. Lidhjet e para kanë qenë lidhje tregtare, me biznes. Unë punoja njëkohësisht edhe gazetar, edhe me biznes. Pas kësaj biznesi me Bullgarinë u zgjerua në shumë drejtime, kryesisht në importimin e letrës, si dhe me artikuj të tjerë... Kam njohur shumë njerëz, miq dhe intelektualë të tjerë të Bullgarisë gjatë këtyre 30 vjetëve, jam ndier mirë në Bullgari, njësoj si në Shqipëri... Bullgaria u bë si një vend i dytë për mua...

Këto janë fjalët e para në intervistën tonë me Konsullin e Nderit të Bullgarisë në Shqipërinë e Jugut z. Selim Hoxhaj, me të cilin patëm kënaqësinë të bisedojmë para pak kohe në Tiranë.

Ai është shtetas shqiptar dhe bullgar, sekretar i shoqatës “Miqtë e Bullgarisë” dhe ka një kontribut shumë të madh për popullarizimin e vendit tonë, për mbrojtjen e interesave bullgare në Shqipëri dhe për ndërtimin e kontakteve bullgaro-shqiptare në të gjitha nivelet në fusha më të ndryshme.

Selim Hoxhaj gjatë vizitës së tij me gazetarët shqiptarë në Radion Kombëtare Bullgare

Ka marrë pjesë në krijimin e disa dokumentarëve për Bullgarinë, ku janë pasqyruar traditat e Bullgarisë, muzika jonë, interesi i bullgarëve ndaj mësimit të gjuhës shqipe, gjërat e përbashkëta mes bullgarëve dhe shqiptarëve. Me bashkëpunimin e zotit Hoxhaj në Ballsh të Fierit të Shqipërisë ka një rrugë me emrin e mbretit bullgar Boris I dhe janë shënuar festat më të mëdha bullgare në Shqipëri, si 3 marsi – dita e Çlirimit të bullgarëve nga zgjedha turke, 24 maji – dita e shkrimit sllav dhe e kulturës bullgare, 1 nëntori – festa e iluministëve të popullit bullgar, 1 marsi – Dita e Gjyshes Marta, ose dita e verores etj., ku janë ftuar intelektualë dhe figura të tjera të shquara bullgare. Zoti Selim Hoxhaj ka vizituar gjithashtu Redaksinë e Gjuhës Shqipe bashkë me një ekip gazetarësh nga RTSH.

Përgatiti në shqip: Vesella Mançeva

Foto: Maria Peeva, MPJ




Последвайте ни и в Google News Showcase, за да научите най-важното от деня!

Më shumë nga rubrika

Georg Georgiev u takua me komunitetin bullgar në Uashington

“Roli juaj në zhvillimin e marrëdhënieve midis Bullgarisë dhe Shteteve të Bashkuara është thelbësor. Është një nder për mua të jem midis jush në këtë festë veçanërisht të rëndësishme për Bullgarinë – Ditën e Trimërisë dhe Ditën e Ushtrisë Bullgare.” Me..

botuar më 25-05-08 8.59.PD
Kryeministri bullgar Rosen Zheljazkov

Kryeministri bullgar përgëzoi kancelarin e sapozgjedhur gjerman

Me përpjekje të koordinuara, ne vazhdojmë të punojmë për unitetin dhe prosperitetin e kontinentit evropian, thuhet në mesazhin e urimit të Kryeministrit Rosen Zheljazkov drejtuar Kancelarit të ri gjerman Friedrich Merz. Në urimin drejtuar..

botuar më 25-05-07 10.20.PD

Në Prishtinë, Zëvendëspresidentja Ilijana Jotova uroi ushtarakët bullgarë në Kosovë me rastin e 6 majit

Zëvendëspresidentja Ilijana Jotova uroi kontingjentin ushtarak bullgar nga misioni paqeruajtës i NATO-s në Kosovë (KFOR) me rastin e Ditës së Trimërisë dhe festës së Ushtrisë Bullgare. Ajo mori pjesë në një ceremoni zyrtare në Prishtinë...

botuar më 25-05-06 5.59.MD