Ministria bullgare e Punëve të Jashtme u rekomandon udhëtarëve jashtë, sidomos në destinacionet e rrezikshme, të ruhen nga virusi i ri i quajtur “korona” i regjistruar në Kinë. Ata duhet të shmangin kontaktin e ngushtë me njerëzit që vuajnë nga infeksione akute të frymëmarrjes, të lajnë duart shpesh, veçanërisht pas kontaktit të drejtpërdrejtë me njerëzit e sëmurë ose me mjedisin e tyre. Duhet të shmanget kontakti i ngushtë me kafshë të gjalla ose të ngordhura, pavarësisht nëse janë shtëpiake apo të egra. Udhëtarët të mbajnë etiketën e kollës. Për këtë qëllim ata duhet të mbajnë distancën e domosdoshme dhe të mbulojnë gojën e tyre me pëlhura dhe veshje për përdorim të njëfishtë, duke kollitur ose duke teshtirë. Në rast të simptomave të sëmundjeve të frymëmarrjes, kërkoni ndihmë mjekësore para, gjatë ose pas udhëtimit, dhe nëse është e nevojshme kontaktoni ambasadat përkatëse bullgare.