Zëvendësministri i punëve të jashtme Georg Georgiev bisedoi në Otava me David Morrison, këshilltar i Kryeministrit Justin Trudeau për politikën e jashtme. Ishte nënvizuar se heqja e vizave për qëndrim afatshkurtër të shtetasve bullgarë ofron mundësi të reja për kontakte mes njerëzve dhe bizneseve.

Të dy ishin të mendimit se ka nevojë për dialog politik të nivelit të lartë dhe për forcimin e partneritetit bilateral.

Morrison tha se Bullgaria e ka përkrahjen e Kanadasë në procesin e aderimit ndaj Organizatës për Bashkëpunim dhe Zhvillim Ekonomik. Georgievi nga ana e vet theksoi se ka nevojë për hapjen e ambasadës kanadeze në Sofje. Kanadaja është shteti i vetëm i G7-ës, i cili nuk ka përfaqësi të vet në Bullgari, deklaroi diplomati bullgar.