Më se 300 prodhues bullgarë, tregtarë të huaj dhe ekspertë nga Holanda, Italia, Hungaria dhe Zvicra marrin pjesë në Forumin Ndërkombëtar “InteliFresh 2020”, që zhvillohet në Sofje më 31 janar. Pjesëmarrësit diskutojnë mundësitë për prodhimin e perimeve dhe frutave bullgare me cilësi, si dhe për depërtimin e tyre më të gjerë në zinxhirët tregtarë dhe në tregjet e jashtme. Pjesëmarrësit kërkojnë përgjigjen e pyetjeve pse në dyqanet bullgare gjithnjë e më rrallë ofrohen perime dhe fruta bullgare, pse perimet dhe frutat e prodhuara në vend janë më të shtrenjta se sa ato që importohen nga vendet fqinje etj. Organizatorët janë me shpresë të arrihen kontrata konkrete pasi në forumet e mëparshme çdo pjesëmarrës i pestë arriti kontratë për prodhimin e tij.