Ministri i drejtësisë Danaill Kirillov ka një javë për t’i dhënë Kolegjit të Gjyqtarëve pranë Këshillit të Lartë Gjyqësor prova kundër gjyqtarit bullgar Andon Mitallov, të akuzuar nga SHBA-ja në korrupsion.

Deri atëherë kërkesa e Ministrit për dorëheqjen e Mitallovit nuk do të shqyrtohet, vendosi Kolegji. Sipas Kryetarit të Gjykatës së Lartë të Kasacionit, Llozan Panov, në propozimin e Kirillovit ka shumë gjëra të paqarta.

Javën e kaluar Ministri propozoi që gjyqtari të shkarkohet nga detyra, pasi Shtetet e Bashkuara të Amerikës e akuzuan Andon Mitallovin në “korrupsion serioz” dhe atij dhe familjes së tij i është shqiptuar ndalesë për hyrje në territorin e SHBA-së.

Gjatë nëntorit të vitit të kaluar gjyqtari Mitallov i dha leje udhëheqësit të lëvizjes “Filorusët”, Nikolay Malinov, të udhëtojë në Moskë, pavarësisht se kundër tij ishte ngritur akuzë për spiunim. Në kryeqytetin rus Malinovi mori urdhrin “Miqësia” nga Presidenti Vladimir Putin.