57 për qind e bullgarëve kanë qëndrim pozitiv ndaj Presidentit francez Emmanuel Macron dhe Papa Françeskut, tregon një studim i “Gallup International“ që u zhvillua në 50 vende në botë. Bullgarët kanë qëndrim më negativ ndaj Presidentit turk Recep Erdoğan. 65 për qind e bullgarëve i japin notë negative, 52 për qind – kanë qëndrim negativ ndaj Presidentit amerikan Donald Trump. Për liderin rus Vladimir Putin kanë votuar pozitivisht 53 për qind, ndërsa për kancelaren gjermane Angela Merkel – 46 për qind. Po të bëjmë një krahasim me Maqedoninë e Veriut – atje respekt më të madh gëzon lideri turk Recep Erdoğan, kancelarja gjermane Merkel është në vend të dytë, ndërsa Presidenti rus Putin është i tretë. Në plan botëror lideri shtetëror me popullaritet më të madh është Angela Merkel, pas saj është Emmanuel Macron.