Me shumë ngjarje në tërë Bullgarinë më 18 shkurt shënojmë përvjetorin e 147-të të vdekjes së Vasill Levskit – i quajtur gjithashtu Apostulli i Lirisë. Ai e dha jetën e vet për lirinë e atdheut, për çlirimin nga zgjedha turke.

Ceremonitë zyrtare do të vazhdojnë dhe më 19 shkurt, kur sipas traditës vendosen kurora lulesh para monumenteve të tij të shumta në të gjitha trojet bullgare. U vu gurthemeli i një monumenti të tij të ri në qytetin Ruse. Në parkun qendror të qytetit skulptura e Vasill Levskit, bashkë me piedestalin, do të jetë me lartësi 4 metra.

Me fushatë bamirëse janë mbledhur më se 60 mijë euro për ndërtimin e monumentit. Ministria e Mbrojtjes dhuroj për të 1 ton gëzhojë fishekësh, të cilat do të shkrihen dhe do të përdoren për përpunimin e statujës. Iniciatorët kanë dëshirë ta përfundojnë projektin deri në ditëlindjen e heroit kombëtar më 18 korrik.