Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Sofja përsëri këmbënguli që BE-ja të mos të vonojë negociatat për anëtarësimin e Shqipërisë dhe të Maqedonisë së Veriut

Foto: EPA/BGNES

Në konferencën “Nga Selaniku deri në Zagreb”, të organizuar nga Ministria e Jashtme greke në përkrahje të perspektivës evropiane të vendeve nga Ballkani Perëndimor, Ministrja bullgare e Punëve të Jashtme Ekaterina Zaharieva paralajmëroi se metodologjia e re për bisedime e Komisionit Evropian nuk duhet të vonojë fillimin e negociatave për aderimin e Shqipërisë dhe të Maqedonisë së Veriut. Ministrja nënvizoi po kështu se me rëndësi të madhe për integrimin evropian të vendeve nga regjioni është zbatimi i marrëveshjeve të fqinjësisë, të cilat ato i kanë nënshkruar, që t’i tregohet Brukselit, që të gjitha çështjet e hapura me vendet fqinje janë zgjidhur.

Në një koment të bërë para Radios Kombëtare Bullgare për ngjarjen në Selanik, gazetari dhe njohës i mirë i regjionit  Kostadin Filipov këmbënguli, që interesi kombëtar i Bullgarisë duhet të ruhet nëpërmjet traktateve, të cilat ajo i ka nënshkruar, dhe pjesërisht nëpërmjet këtij për fqinjësi të mirë dhe miqësi dhe bashkëpunim me Maqedoninë Veriore. Në lidhje më këtë, Filipov rikujtoi se Komisioni i Përzier i krijuar në bazë të kësaj marrëveshjeje midis Sofjes dhe Shkupit aktualisht në praktikë nuk punon.

Kurse pyetjes nëse është optimist për perspektivën evropiane të Ballkanit Perëndimor, gazetari iu përgjigj:

“Jam optimist për të ardhmen evropiane të Ballkanit Perëndimor, por më duket  se aksenti duhet të vihet mbi provën e Greqisë të kthejë vendin e vet si shtet, i cili në territorin e Evropës Juglindore  është më i interesuar dhe e lëviz më aktivisht procesin e afrimit të shteteve nga Ballkani Perëndimor drejt Bashkimit Evropian.”

Filipov mendon se tani Greqia po bën provë të kthehet në vendin, të cilin e zinte akoma që në fillim të shekullit të 21, kurse kjo e shqetëson atë:

“Shqetësohem se Presidenca aktuale e Kroacisë, pavarësisht nga të gjitha qëllimet e mira që të arrihet një rezultat konkret në takimet e ardhshme në fund të muajit mars në Bruksel dhe gjatë muajit maj në Zagreb, do të jetë nën hijen e përpjekjeve greke t’u japin përkrahje vendeve nga Ballkani Perëndimor për anëtarësim në Bashkimin Evropian...Duhet të shohim sesi vepron Greqia, që të të afirmojë rolin e vet si një lider në Evropën Juglindore sa i përket integrimit evropian.”

“Do t’u japë dhe një prognozë optimiste - tha analisti. Me të vërtetë  më 26 dhe 27 mars do të ketë edhe një shtytje për integrimin e Ballkanit Perëndimor në Bashkimin Evropian. Tirana dhe Shkupi do të marrin një farë kompensimi për mossuksesin nga tetori i vitit të kaluar, duke u dhënë data për fillimin e negociatave. Kur do të jetë kjo datë, nuk mund të prognozoj, por nga Parisi vijnë sinjale, se aty e pranojnë ekuilibrin në metodologjinë e re midis interesave franceze dhe dëshirës së pjesës më të madhe të vendeve në Bashkimin Evropian që zgjerimi të përfshijë dhe rajonin e Ballkanit Perëndimor.”  

Në takimin e Selanikut përfaqësuesit e Komisionit Evropian ripohuan mendimin e tyre se duhet të fillojnë bisedime me Republikën e Maqedonisë Veriore dhe me Republikën e Shqipërisë për aderimin e tyre. Ky do të jetë dhe përfundimi i raporteve vjetore për përparimin e vendeve, botimi i të cilave pritet që javën e kaluar.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

 Foto: Shoqata e Pasardhësve të Refugjatëve dhe Emigrantëve nga territori i Maqedonisë së Veriut

Organizata e emigrantëve alarmon BE-në për procesin kundër bullgarëve në Manastir

Shoqata e Pasardhësve të Refugjatëve dhe Emigrantëve nga territori i Maqedonisë së Veriut dërgoi një qëndrim tek institucionet evropiane, në të cilin këmbëngul që përfaqësuesit evropianë të njihen me dokumentet në rastin kundër kryetarit të klubit të..

botuar më 25-01-29 1.18.MD

Ngjarjet me adresë ballkanike

Dhjetëra njerëz humbën jetën nga zjarri në resortin malor turk Kartalkaya 78 persona humbën jetën për shkak të zjarrit në një hotel në vendpushimin turk të skive Kartalkaya, provinca Bolu, në veriperëndim të Turqisë. Në mesin e të vdekurve ka..

botuar më 25-01-26 8.05.PD
Rumen Radev

Presidenti Radev shpreson se Maqedonia e Veriut do të tregojë vullnet politik dhe do të hapë rrugën e saj drejt BE-së

Presidenti Rumen Radev zhvilloi një bisedë telefonike me Përfaqësuesin Special të BE-së për Dialogun Beograd-Prishtinë dhe Ballkanin Perëndimor, Mirosllav Llajçak. Të dy diskutuan aspektet e procesit të integrimit evropian të vendeve të rajonit. Të dy..

botuar më 25-01-22 5.58.MD