Rastet e reja e të infektuarve me koronavirus në Bullgari janë 32 dhe kështu numri i përgjithshëm i të infektuarve është 174, tha shefi i Shtabit Operativ Kombëtar profesor Vencisllav Mutafçijski. 28 janë rastet e reja të regjistruara në Sofje. Të rinjtë gjithashtu infektohen, por e kalojnë sëmundjen më lehtë se sa të moshuarit. Në vend të kësaj ata janë përhapësit më aktiv të virusit. Profesori kritikoi sofinanasit se ditën e shtune bënë ekskursione në malin Vitosha pranë Sofjes. Në se kjo vazhdon shtabi do të rekomandojë mbylljen e rrugëve drejt malit. Grupi i njerëzve më të prekur nga COVID-19 në vend është ai i njerëzve në moshë nga 40 deri në 49 vjeç. 24 janë rastet në grupin e moshës mbi 70 vjeç. Nga ky grup njerëzish janë edhe tre të vdekurit. Të gjitha rastet e tjera janë te njerëzve në moshë nga 50 deri në 0 vjeç. Të ngjiturit me virusin deri në 19 vjeç përbëjnë 7 për qind.