Në një bisedë telefonike Kreu i Shtetit Rumen Radev përshëndeti Presidentin turk Recep Erdoğan për masat e ndërmarra në luftimin e koronavirusit në Turqi dhe për përkrahjen sociale dhe ekonomike të më të prekurve me qëllim zbutjen e efekteve negative të krizës. Radev shprehu mirënjohjen e vet për reaksionin e shpejtë të Turqisë, e cila së pari i dërgoi vendit tonë materiale mjekësore dhe mjete mbrojtëse në kushtet e pandemisë. Recep Erdoğan vuri në dukje bashkëpunimin e Turqisë në evakuimin e 46 shtetasve bullgarë nga Maroku. Të dy presidentët shprehën pozitën e tyre të përbashkët se luftimi i koronavirusit kërkon përpjekje të përbashkëta, bashkëpunim dhe solidaritet.