Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Tablo nga fondi i MPJ-së prezantohen në ekspozitë virtuale me moto #Mbeteni në shtëpi me artin

Georgi Bozhillov – Sllona, “Vajza”, 1975, Ambasada e Bullgarisë - Paris

Në kohën e izolimit social të dobësojmë virusin me artin. Ky është detyra aktuale e qindra krijuesve bullgarë që punojnë si në vend, ashtu edhe në botë. Pandemia e COVID-19 provokoi përgjigjen krijuese të njërës prej institucioneve më autoritetshme shtetërore – Ministrisë së Punëve të Jashtme. Nga 22 mars Instituti Kulturor Shtetëror pranë ministrisë nisi një iniciativë online #MBETENI NË SHTËPI ME ARTIN.

Në kuadrin e saj në rrjetet sociale para publikut të gjerë prezantohen disa prej veprave më të çmueshme të cilat me teknikat e artit figurativ interpretojnë temën për shtëpinë. Shumë prej tyre janë vepër të mjeshtërve të njohur bullgarë nga mesi i shekullit të kaluar. Tablotë shoqërohen me përshkrim të shkurtër të fatit të tyre, për ndjenjat që preokupuan autorin përderisa punonte mbi veprën. Disa prej veprave janë të krijuara gjatë udhëtimeve të piktorëve jashtë shtetit.

Fakt interesant është se fondi e artit i Ministrisë së Punëve të Jashtme pronëson më se 3 mijë tablo, grafika, skulptura dhe plastika të çmueshme. 2140 vepra të artit figurativ ruhen jashtë shtetit në 80 ambasada bullgare dhe në përfaqësi të Ministrisë së Jashtme në Bullgari.

Georgi Petrov,“Familja para televizorit”, 1966, Ministria e Punëve të Jashtme - Sofja

“Në kohën kur qëndrojmë para sfidës të shtyjmë veprimtari të rëndësishme nga kalendari vjetor si ekspozita, leksione, prezantimi i librave, mobilizuan përpjekjet tona si një institucion kulturor që të mos pushojë puna tek ne” – shpjegoi drejtoresha e Institutit Kulturor Shtetëror Snezhana Joveva - Dimitrova.

“Prandaj realizuam iniciativën “Takime virtuale me artin”. Përpiqemi që nëpërmjet kanaleve të komunikacionit të prezantojmë pasurinë e fondit tonë të artit. Startuam me tablonë e mrekullueshme “Koprivshtica” të piktorit të njohur bullgar Deçko Uzunov. Prezantuam edhe veprën e Georgi Petrovit me temë “Familja para televizorit”. Në Fondin e Artit të Ministrisë ruhen tablo të klasikëve bullgarë si Georgi Bozhillov – Sllona, Petko Abaxhiev, Nikolla Tanev, Georgi Petrov, Benço Obreshkov etj. Në ekspozitë u përfshimë edhe vepra të disa autorëve të kohës sonë si për shembull tablonë “Në dhomën e gjyshes” të krijuesit Ivajllo Hristov, e cila ndodhet në Ambasadën e Bullgarisë në Hungari."

Ivajllo Hristov, “Në dhomën e gjyshes”, pas vitit 2000, Ambasada e Bullgarisë -  Budapest

Gjatë viteve Fondi Kombëtar i Artit pranë Ministrisë së Punëve të Jashtme u formua me pjesëmarrjen aktive të shtetit. Ministria përkrahte dhe inkurajonte krijuesit bullgarë të prezantojnë veprat e tyre në botë. “Është me rëndësi të mirëmbajmë dhe të popullarizojmë këtë fond, sepse ato vepra lidhen me historinë e misioneve diplomatike kudo në botë” – thekson Snezhana Joveva - Dimitrova.

Konstantin Shtërkellov, “Tulipanë”, 1938, Ambasada Bullgare - Beograd

“Në iniciativën e tanishme online përveç veprave të fondit ka edhe tablo pronë e Galerisë Kombëtare të Arteve Figurative, të Galerisë së Arteve Figurative në Sofje. Krahas kësaj ka edhe artefakte arkeologjike të prezantuara në “Parkun e skulpturave” të Ministrisë së Punëve të Jashtme. Që kur e startuam idenë “Mbeteni në shtëpi me artin” shumë galeri private dhe bashkiake, krijues bullgarë me banim jashtë shtetit dhe në vend shfaqin dëshirë që me vepra të tyre të na përkrahin.”

Përgatiti në shqip: Svetllana Dimitrova

Foto: @culturalinstitute.mfa


Последвайте ни и в Google News Showcase, за да научите най-важното от деня!

Më shumë nga rubrika

Miljo Balltov (1871 - 1951)

Miljo Balltov pikturoi “engjëllin më të gjallë” në kishat e trojeve tona

Piktor ikonash dhe mësues - këto dy fjalë i përmendim gjithmonë kur përpiqemi të ringjallim nga harresa e së shkuarës një piktor që hapat e parë në art i hodhi në vitet e para pas Çlirimit të Bullgarisë nga sundimi osman (1878). I tillë është Miljo..

botuar më 25-03-15 9.25.PD
Artistët për fëmijë

Kinemaja bullgare në fokus në edicionin e 29-të të Sofia Film Fest-it Ndërkombëtar

"Shh... Është koha për një film" - me këtë moto Sofja bëhet kryeqyteti kinematografik i Evropës për dy javët e ardhshme. Edicioni i 29-të i forumit më të madh kinematografik në Ballkan – Sofia Film Festi Ndërkombëtar hapet sonte në sallën nr. 1 të..

botuar më 25-03-13 2.36.MD

Qytetet e festivalit nga Evropa ndajnë përvojën në një forum të specializuar në Sofje

Më 13 dhe 14 mars 2025 në Sofje do të mbahet Konferenca "Festivali dhe qyteti", e organizuar nga Shoqata Bullgare e Festivaleve me pjesëmarrjen ndërkombëtare të ekspertëve të Shoqatës Evropiane të Festivaleve. Gjatë forumit do të bëhet një analizë e..

botuar më 25-03-13 6.10.PD