Pandemia tregon sa i rëndësishëm është solidariteti në kundërvënien e kërcënimit dhe sa i domosdoshëm është bashkëpunimi më i ngushtë ndërmjet shteteve. Në kushtet e krizës së Covid-19 Bullgaria dhe Turqia si fqinjë të mirë demonstruan bashkëpunim të jashtëzakonshëm në situatën e jashtëzakonshme. Këtë e tha në intervistë për “Radio Bullgarinë” ambasadorja e Turqisë në Bullgari Aylin Sekizkök.

Ajo nënvizoi zgjidhjen e suksesshme të problemeve me lëvizjen e maunave mes shteteve dhe ruajtjen e zinxhirit të furnizimeve. 

“Bullgaria bëri përjashtim, duke lejuar kalimin transit të qindra mijë shtetasve turq të detyruar të kthehen nga Evropa për shkak të krizës me koronavirusin dhe Turqia është mirënjohëse për këtë”, nënvizoi zonja Sekizkök.