Numri i përgjithshëm i të infektuarve me Covid-19 në Bullgari arriti 1588 veta. Gjatë 24 orëve të fundit u testuan 1126 veta nga të cilët u zbuluan 47 raste të reja. Më shumë prej tyre 22 janë në qytetin Vidin të Bullgarisë Veriperëndimore. Krahina e re ku u përhap infektimi është Razgrad me një të sëmurë. Vetëm krahina e qytetit Tërgovishte nuk ka të infektuar të regjistruar.

1232 nga rastet e Covid-19 janë aktive. Brenda 24 orëve të fundit vdiqën 3 të sëmurë duke përfshirë dhe një mjeke 43 vjeçare. Kështu të vdekurit nga virusi u bënë 69. Pacientët që u shëruan janë 287 veta.

Sipas bashkësisë ndërkombëtare të ekspertëve pritet që aktiviteti i infeksionit të koronavirusit të vazhdojë nga 18 deri në 24 muaj. Për këtë arsye çdo vend duhet të gjejë bilancin midis masave kundër epidemisë dhe rivendosjes së jetës ekonomike dhe shoqërore. Duke analizuar situatën në vend Bullgaria do të liberalizojë aktivitetet me etapa.

Që nga data 2 maj me vendim të kryeministrit Bojko Borisov Shtabi Operativ Kombëtar nuk do të japë brifingjet e përditshme. Informacioni për situatën në vend do të paraqitet në formën e përmbledhjeve.