Bashkimi Evropian  e pret festën e vet në kushtet e krizës së paparë shëndetësore dhe ekonomike, të shkaktuar nga pandemia me Covid-19. Sivjet Dita e Evropës është shumë më e veçantë dhe për shkak të dy përvjetorëve të ngjarjeve të rëndësishme për projektin historik dhe evropian – 75 vjet nga fundi i Luftës së Dytë Botërore dhe 70 vjet nga deklarata e ministrit të jashtëm francez Robert Schuman, e cila vuri themelet e Evropës së Bashkuar.

“Gjatë 75 vjetëve të fundit ne bashkë në Evropë dëshmuam se, paqja, bashkëpunimi dhe miqësia, përtej kufijve kombëtarë janë baza më e mirë për prosperitetin dhe rritjen” – deklaroi  në një intervistë për Radio Bullgarinë Nikolla Milladinov, atasheu i shtypit i Përfaqësisë të Komisionit Evropian në Bullgari.

Kriza me Covid-19 nxori në plan të parë disa arritje bazë të bashkësisë, të cilat kohët e fundit sikurse i pranonim si një gjë e dhënë. Dita e Evropës është edhe një mundësi tjetër të rizbulojmë paqen, lirinë, sundimin e ligjit dhe demokracisë si vlera të larta të shoqërisë. Të punojmë për një ekonomi për të gjithë, e cila u jep mundësi njerëzve të jetojnë qetë, bashkë dhe duke përfituar më shumë mundësi ekonomike dhe teknologjike. Që të gjitha këto tema marrin pjesë në ngjarjet me të cilat sivjet festojmë ditën festive, krejtësisht online:

“Në Bullgari tanimë filloi festimi me nisma të ndryshme në internet – vuri në dukje  Milladinov. Bashkuam përpjekje me kolegët tanë nga rrjetet e tjera informative evropiane në Bullgari për fushatën “Mbetemi solidarë”. Tanimë një javë të tërë, me përmbajtje të posaçme online, njerëzit mësojnë për shumë nga organizatat partnere, të cilat prezantojnë shërbime dhe informacion, lidhur me politikat e Bashkimit Evropian.

Pika kulmore është më 9 maj në orën 11.00, kur komisionarja bullgare Maria Gabriel do të zhvillojë dialog online me qytetarët nga e gjithë Bullgaria. Tema e mbledhjes është “Dita e Evropës 2020: Bashkë akoma më të fortë. Solidariteti evropian në periudhën e krizës”.

Një iniciativë tregoi në praktikë rëndësinë e fjalëve solidaritet dhe unitet në kohë krize. Në bazë të idesë së Komisionit Evropian dhe të kryetares së saj Ursula von der Leyen, qe vënë fillimi i fushatës dhuruese botërore, e cila ndihmon përpunimin e metodave të vaksinës si dhe metodave efektive për diagnostikim dhe shërim të koronavirusit. Akoma gjatë ditës së parë u mblodhën mbi 7 miliardë euro.

Shumë lajme të mira u dëgjuan dhe pas online takimit “Bashkimi Evropian – Ballkani Perëndimor” mikpritës i të cilit më 6 maj qe presidentja e rotacionit e Këshillit të Bashkimit Evropian-Kroacia. U bë e qartë se, Bashkimi Evropian lëshon ndihmë financiare prej 3,3 miliardë euro në dobi të qytetarëve  nga Ballkani Perëndimor dhe evitimin e pasojave humanitare dhe shëndetësore në regjion, të shkaktuar nga Covid-19. “Ne mbajmë përgjegjësi të posaçme të ndihmojmë në këtë pandemi partnerët tanë nga Ballkani Perëndimor, me qenë se e ardhmja e tyre është të jenë pjesë nga Bashkimi Evropian” – theksoi kryetarja e Komisionit Evropian Ursula von der Leyen.

Foto: ec.europa.eu