Sipërmarrëset në fushën e ekologjisë Bllazhka Dimitrova dhe Borjana Uzunova merituan Çmimin e Presidentit të organizatës ekologjike WWF, e cila u jepet ambientalistëve të rinj nga e gjithë bota. Dy bullgaret janë dekoruar për shkak të përpjekjeve të tyre në drejtim të ndryshimit të mënyrës së mendimit sa i përket natyrës.

Bllazhka Dimitrova popullarizon idenë për jetë pa mbetje, të cilën e përshkruan në një libër dhe hap restorantin e parë në Sofje me zero mbetje. Ajo merret me trajnime për institucione dhe njerëz të veçantë kushtuara realizimit në praktikë të idesë për jetë me zero mbetje dhe  përdorit në mënyrë të përgjegjshme të resurseve natyrore.

Borjana Uzunova është themeluesja e një kompanie për teknologji hardueri dhe softueri. Me veprimtarinë e saj ndihmon prodhimin e veshjeve me porosi dhe gjen zgjidhje për industrinë e modës, të cilat janë miqësore me mjedisin. Qëllimi i saj është eliminimi i nevojës për prodhimin në masë të veshjeve, i cili stimulon përdorimin e paqëndrueshëm të resurseve dhe ujërave dhe shkakton ndotje të mjedisit.