Bullgaria do të shfrytëzojë vulë për siguri dhe higjienë nga Këshilli Botëror për Udhëtime dhe Turizëm (WTTC - The World Travel & Tourism Council), informoi Ministria e Turizmit. Vula „Safe Travels“ jep mundësi që më lehtë të dallohen destinacionet, mjetet transportuese,vendet për akomodim dhe ushqim që aplikojnë standarde të larta për siguri dhe higjienë.
Këshilli Botëror për Udhëtime dhe Turizëm e startoi këtë nismë në lidhje me masat për luftimin e Covid-19 dhe përfshiu vulat në protokollet e veta për udhëtim të sigurt. Dokumentet japin informacion dhe orientime si për firmat që ofrojnë shërbime turistike ashtu edhe për turistët përsa i përket respektimit të higjienës, dezinfektimit dhe distancës fizike. Qëllimi është të aplikohen plane që të azhurnohen përpjekjet për rimëkëmbjen e sektorit turistik nga kriza. Dokumentet do të aktualizohen në rast ndryshimi të situatës epidemiologjike.
“Vula është me rëndësi të madhe për rivendosjen e besimit të konsumatorëve në përmasë botërore, kështu që pasagjerët të jenë të sigurt se ekzistojnë standarde të forcuara për higjienë dhe të udhëtojnë në mënyrë të sigurt”, komentoi Gloria Guevara, presidente dhe drejtoreshë ekzekutive e WTTC.
Udhëzimet e përgatitura nga Ministria e Turizmit e Bullgarisë për vendet për akomodim dhe për ushqim përshtaten me protokollet e WTTC, gjë që e bënë vendin tonë pjesë e kësaj iniciative. Ajo ka përkrahjen e Organizatës Botërore të Turizmit, Asociacionit Ndërkombëtar të Transportit Ajror (IATA) etj. theksohet në njoftimin e Ministrisë Bullgare të Turizmit.
Në sajtin e organizatës botërore u botua një deklaratë e ministres bullgare të turizmit Nikolina Angellkova, në të cilën ajo ndër të tjerët thekson: “Turizmi është një kauzë e cila sjell të ardhmen më të mirë për të gjithë dhe së bashku mund të zgjidhim kriza dhe sfida. Mirëpresim iniciativënpër udhëtim të sigurt nga WTTC, e cila do të sigurojë rimëkëmbjen e shpejtë të sektorit turistik pas pandemisë botërore Covid-19 dhe do të rivendosë besimin e udhëtarëve.”
Përpilues: Krasimir Martinov
Përgatiti në shqip: Svetllana Dimitrova
Foto: Pixabay, BTA
Momçillovci , Rodopet , Pamporovo dhe rrethi i Smoljanit ishin të pranishëm me një stendë në një ekspozitë turistike këtë vjeshtë në Ningbo, Kinë. Para BTA, Momçill Karaivanov, përfaqësues i shoqërisë bullgaro-kineze "Miqtë e Kinës" në Smoljan vuri në..
Vendet turistike përgjatë bregdetit bullgar të Detit të Zi mund të ndahen në dy kategori - moderne, të shquara për rrugët e tyre të zhurmshme dhe shumëngjyrëshe dhe në kategorinë e dytë janë qytetet-port dinjitoze, me një histori shekullore, përmes të..
Veliko Tërnovo është qyteti me pamjet më kulturore dhe historike në Bullgari. Nuk ka njeri në vendin tonë që nuk emocionohet kur hyn në Kryeqytetin e Vjetër të Bullgarisë, ndërsa të huajt mahniten nga arkitektura, shpirti i ruajtur dhe tiparet e..
Bullgaria, e vendosur në qendër të qytetërimeve të lashta, ofron pamje mbresëlënëse historike, të rrethuara nga brigjet më të mira të Detit të Zi dhe..
Pjesërisht me re
Vranësira të dendura